جانیتھ لیاناگے نے بنگلہ دیش کےخلاف تیسرے ون ڈے میں کیریئر کی پہلی سنچری جڑ دی

چٹوگرام: سری لنکن کرکٹ ٹیم کے مایہ ناز مڈل آرڈر بلے باز جانیتھ لیاناگے نے بنگلہ دیش کے خلاف شاندار بیٹنگ کا مظاہرہ کرتے ہوئے ون ڈے کیریئر کی پہلی ناقابل شکست سنچری جڑ دی۔

پیر کو ظہور احمد چوہدری سٹیڈیم ، چٹوگرام میں کھیلے گئے تین میچوں کی سیریز کے تیسرے اور آخری ایک روزہ بین الاقوامی میچ میں آئی لینڈرز ٹیم کے مایہ ناز بلے باز جانیتھ لیاناگے نے بنگلہ دیشی بائولر ز کی خوب دھلائی کرتے ہوئے اپنے ون ڈے کیریئر کی پہلی ناقابل شکست سنچری سکور کرتے ہوئے اپنی ٹیم کی میچ میں پوزیشن مستحکم بنادی۔

جانیتھ لیاناگے نے 102گیندوں کا سامنا کرتے ہوئے 2 فلک شگاف چھکوں اور 11 خوبصورت چوکوں کی مدد سے انفرادی ناقابل شکست 101رنز بنائے۔ یہ جانیتھ لیاناگے کی ایک روزہ کرکٹ کیریئر کی پہلی ناقابل شکست سنچری ہے۔