18سال سے زائد عمر کے شہریوں کی ویکسی نیشن 3جون سے شروع کرنے کافیصلہ

تفصیلات کے مطا بق سماجی رابطے کی ویب سائٹ ٹوئٹر پر پیغام میں وفاقی  وزیر اوراین سی اوسی سربراہ اسد عمر نے کہاکہ اس اقدام سے ویکسین لگوانے کے اہل تمام افراد کی ویکسی نیشن کاعمل شروع ہوجائے گا، ویکسین لگوانے کیلئےاپنے آپ کو جلد از جلد رجسٹرڈ کرائیں۔

In today's NCOC meeting it was decided to start scheduling vaccination of registered 18 plus from thursday the 3rd of june. With this step the vaccination of all eligible age groups would be carried out. Please register as soon as possible

— Asad Umar (@Asad_Umar) May 31, 2021

اس سے قبل این سی او سی اجلاس میں 19 سال سے زیادہ عمر کے افراد کیلئے ویکسی نیشن رجسٹریشن 27مئی سے  کھولنے کا فیصلہ کیا  گیا  جس کے بعد تمام آبادی کے لئے رجسٹریشن اوپن  ہوگئی ۔

خیال رہے کہ    ملک بھر میں ویکسینیشن کے لیے پنجاب میں 189 اور سندھ میں 14 مراکز قائم کیے گئے ہیں جبکہ خیبر پختونخوا میں 280، بلوچستان میں 44 اور اسلام آباد میں 14 ویکسینیشن سینٹر قائم کیے جا چکے ہیں۔ آزاد کشمیر میں 25 اور گلگت بلتستان میں بھی 16 مراکز کے ذریعے ویکسینیشن کی جا رہی ہے۔پاکستان نے مقامی سطح پر کوروناویکسین کامیابی سے تیار کرلی ہے ، کوروناویکسین قومی ادارہ صحت میں تیار کی گئی ہے، پہلے فیز میں سنگل ڈوزکین سائینو کی1لاکھ24ڈوز تیار کی گئی ہیں۔  مقامی تیار کردہ کورونا ویکسین آئندہ ہفتے استعمال کے لیے دستیاب ہوگی، یہ کورونا ویکسین چینی ٹیم کی زیرنگرانی پاکستانی ماہرین نے تیار کی ہے۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید43فراد چل بسے ۔ ملک میں  اموات کی مجموعی تعداد 20 ہزار779ہوگئی ہے،جبکہ  متاثرہ افراد کی مجموعی تعداد 9 لاکھ 21ہزار 053ہو گئی ہے ۔ گزشتہ24 گھنٹوں میں کوروناوائرس کےمثبت کیسزکی شرح4.05فیصدرہی۔