معروف ہالی وڈ فلم ’ٹارزن‘ کے ہیرو طیارہ حادثے میں ہلاک

امریکی میڈیا کے مطابق 90 کی دہائی میں ریلیز مشہور فلم سیریز ٹارزن میں ہیرو کا کردار اداکرنے والی اداکار ولیم جوزف لورا  اوران کی اہلیہ سمیت 7 افراد جہاز حادثے میں ہلاک ہوگئے۔

Joe Lara, the star of TV’s Tarzan: The Epic Adventures, died Saturday with his wife and five others in the crash of a small jet near Nashville, authorities said. He was 58. https://t.co/s3yx9CJseb

— The Hollywood Reporter (@THR) May 30, 2021

امریکی حکام کے مطابق نجی  طیارے نے ریاست ٹینیسی کے ائیر پورٹ سے سمرانہ کی جانب  اڑان بھری تاہم تھوڑی ہی دیر بعد قریبی جھیل  پرسی پریسٹ  میں گرکر تباہ ہوگیا ۔  اس نجی چھوٹے مسافر بردار طیارے میں 7 افراد سوار تھے ۔ واقعہ کے بعد ریسکیو اداروں نے حادثے کی جگہ کو گھیرے میں  لے  کر  امدادی کارروائیو ں کا آغاز کردیا جبکہ حادثے سے متعلق تحقیقات جاری ہے۔ لارا اور اس کی اہلیہ ٹینیسی کے علاقے  برینٹ ووڈ میں رہتے تھے۔

ہالی وڈ اداکار  ولیم جوزف لارا 2اکتوبر 1962 کو سان ڈیاگو میں پیدا ہوئے ،  انہوں نے اپنے کیریئر کا آغاز ایک ماڈل کے طور پر کیا جس کے بعد 1989 میں فلم ’ٹارزن ان منہٹان‘ میں کام کیا اور اس کے بعد 1996 سے 1997 کے درمیان ولیم جوزف نے ’ٹارزن؛ دا اپیک ایڈونچر‘ سیریز کی جس نے مقبولیت کے نئے ریکارڈ قائم کیے۔2009 میں  انہوں نے  موسیقی کی  ایک البم  بھی جاری کی۔