سیکورٹی فورسز کا بلوچستان میں آپریشن، ایک دہشت گرد ہلاک ، 2 زخمی

سیکورٹی فورسز نے بلوچستان کے ضلع پنجگور میں انٹیلی جنس بیسڈ آپریشن کے دوران ایک دہشت گرد چاکر لیاقت کو ہلاک اور 2 کو زخمی کردیا۔

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے 20 اور 21 مارچ کی درمیانی شب ضلع پنجگور میں دہشت گردوں کی موجودگی کی مصدقہ اطلاع پر انٹیلی جنس بیسڈ آپریشن کیا۔

?#ISPR
On night 20/21 March 2024, security forces conducted an Intelligence Based Operation (IBO) in District Panjgur#PakistanArmy #Pakistan #FC

During the conduct of operation, our troops effectively engaged the terrorists' location and resultantly terrorist Chakar Liaquat… pic.twitter.com/q7DN3Xn5FC

— Pakistan Armed Forces News ?? (@PakistanFauj) March 21, 2024

آئی ایس پی آر کے مطابق آپریشن کے دوران سکیورٹی اہلکاروں نے دہشت گردوں کے ٹھکانے کا مؤثرانداز میں پتہ لگایا، آپریشن کے نتیجے میں دہشت گرد چاکر لیاقت مارا گیا جبکہ 2 دہشت گرد زخمی ہوگئے۔ ہلاک دہشت گرد کے قبضے سے اسلحہ اور گولہ بارود بھی برآمد ہوا، ہلاک دہشت گرد لیاقت چاکر متعدد کارروائیوں میں ملوث تھا۔

ترجمان پاک فوج کا کہنا ہے کہ علاقے میں پائے جانے والے کسی بھی دوسرے دہشت گرد کے خاتمے کے لیے سینیٹائزیشن آپریشن بھی کیا گیا، سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔

یاد رہے کہ گزشتہ روز بھی سکیورٹی فورسز نے گوادر پورٹ اتھارٹی پیک کالونی میں دہشت گردوں کا حملہ ناکام بناتے ہوئے 8 دہشت گردوں کو جہنم واصل کیا تھا جبکہ 2 جوان شہید ہوئے تھے۔