پنجاب حکومت صوبے میں ترقیاتی اقدامات کرر ہی ہے ، مریم نواز

 وزیر اعلیٰ پنجاب مریم نواز نے کہا ہے کہ حکومت مختصر، درمیانے اور طویل مدتی ترقیاتی اقدامات پر کام کر رہی ہے تاکہ صوبے میں مختلف شعبوں کو مستحکم کیا جا سکے۔

وزیر اعلی پنجاب مریم نواز نے لاہور میں ایک اجلاس کی صدارت کرتے ہوئے کہی۔ اجلاس میں برطانیہ کے ادارے فارن کامن ویلتھ اینڈ ڈویلپمنٹ آفس کے تعاون سے وزیر اعلیٰ کے اقدامات کے حوالے سے مجوزہ لائحہ عمل کا جائزہ لیا گیا۔

اجلاس میں فیصلہ کیا گیا کہ صوبے کے صحت، تعلیم، سولڈ ویسٹ مینجمنٹ، موسمیاتی تبدیلی، صاف پینے کے پانی کی فراہمی اور دوسرے شعبوں میں تعاون پر خصوصی توجہ دی جائے گی اور ایئر کوالٹی انڈیکس میں بہتری کیلئے پائیدار اقدامات کئے جائیں گے۔