پی سی بی نے کاکول میں فٹنس کیمپ کےلئے 29 کھلاڑیوں کا اعلان کر دیا

پاکستان کرکٹ بورڈ (پی سی بی) نے کاکول، ایبٹ آباد میں فٹنس کیمپ کےلئے 29 کھلاڑیوں کا اعلان کر دیا۔

پاکستان آرمی کے تعاون سے منعقد ہونے والے فٹنس کیمپ میں کھلاڑیوں کو آنے والی سیریز اور ٹورنامنٹس کے لیے تیار کیا جائے گا جس میں نیوزی لینڈ کے خلاف ہوم T20I سیریز، آئرلینڈ اور انگلینڈ کے خلاف T20I سیریز، اور امریکہ اور ویسٹ انڈیز میں آئندہ آئی سی سی T20 ورلڈ کپ شامل ہیں۔ کیمپ 26 مارچ سے شروع ہونا ہے اور 8 اپریل کو اختتام پذیر ہوگا۔ کھلاڑی آج بعد میں کیمپ میں رپورٹ کریں گے۔

Pakistan T20 players to undergo Physical fitness camp in Kakul from tomorrow

Read more ⤵️ https://t.co/BPDPYgJCC6

— PCB Media (@TheRealPCBMedia) March 25, 2024

کیمپ میں بابراعظم، محمد رضوان، صائم ایوب ، فخرزمان،  صاحبزادہ فرحان، حسیب اللہ،  سعود شکیل، عثمان خان، محمد حارث ، سلمان علی آغا، اعظم خان، افتخار احمد،  عرفان خان نیازی، شاداب خان ،عماد وسیم ، اسامہ میر، محمد نواز، مہران ممتاز، ابرار احمد،  شاہین شاہ آفریدی، نسیم شاہ، محمد عباس آفریدی،  حسن علی ،محمد علی، زمان خان، وسیم جونئیر،عامر جمال، حارث رؤف اور محمد عامرشامل ہیں۔

کیمپ میں بنیادی توجہ ٹیم کی تیاری پر ہوگی اور اس کا مقصد کھلاڑیوں کی جسمانی اور ذہنی طاقت کو بڑھانا ہے اور  اس بات کو یقینی بنانا ہے کہ وہ آنے والے چیلنجوں کا مقابلہ کرنے کے لیے بہترین حالت میں ہوں۔