وفاقی وزیر اعظم نذیر تارڑ کا اچانک یوٹیلٹی سٹور کا دورہ

لاہور  : وزیر قانون و انصاف اعظم نذیر تارڑ نے وزیراعظم شہباز شریف کی ہدایت پر آج لاہور میں ایک یوٹیلیٹی سٹور کا دورہ کیا۔

وفاقی وزیر قانون و انصاف  نے اشیائے ضروریہ کی دستیابی اور سٹور پر صارفین کو دی جانے والی سہولیات کا جائزہ لیا۔ انہوں نے نرخوں کی فہرست کا بھی جائزہ لیا اور فروخت کی جانے والی اشیاء کی قیمتوں اور معیار کے بارے میں صارفین سے دریافت کیا ، وفاقی وزیر اعظم نذیر تارڑ نے اس موقع پر گفتگو کرتے ہوئے کہا کہ ملکی معیشت میں بہتری لانا موجودہ حکومت کی اولین ترجیح ہے۔

انہوں نے کہا کہ موجودہ حکومت نے عوام کو پاکستان کی تاریخ کا سب سے بڑا رمضان پیکیج دیا ہے اور اس پیکیج کے تحت بینظیر انکم سپورٹ پروگرام کے صارفین اور عوام کیلئے روزمرہ استعمال کی اشیائے ضروریہ موجود ہیں۔