پاکستان میں سونے کی فی تولہ قیمت میں سیکڑوں روپے کا اضافہ

کراچی: ملک میں آج (منگل کو) سونے کی فی تولہ قیمت میں 1200 روپے کا اضافہ ہوگیا۔

آل پاکستان جیمز اینڈ جیولرز ایسوسی ایشن (اے پی جی جے اے) کے مطابق فی تولہ سونے کی قیمت 1200 روپے اضافے سے 229400 روپے ہوگئی۔

ملک میں 10 گرام سونے کی قیمت 1029 روپے اضافے کے بعد 196,674 روپے ہوگئی۔

ایسوسی ایشن کے مطابق عالمی مارکیٹ میں سونے کی قیمت 6 ڈالر اضافے کے بعد 2173 ڈالر فی اونس ہوگئی ہے۔