عمر ایوب عمران خان سے ملاقات کے لیے اڈیالہ جیل پہنچ گئے

راولپنڈی: پاکستان تحریک انصاف (پی ٹی آئی) کے رہنما عمر ایوب پی ٹی آئی کے بانی عمران خان سے ملاقات کے لیے راولپنڈی اڈیالہ جیل پہنچ گئے۔

اس موقع پر پولیس نے عمر ایوب سے کہا کہ آپ کی گاڑی اڈیالہ جیل میں نہیں جا سکتی۔ عمر ایوب نے پولیس کو جواب دیا کہ عمران خان سے ملاقات کا عدالت کا حکم ہے۔

پی ٹی آئی رہنما نے پولیس افسران کو عدالتی حکم نامہ دکھایا۔ عمر نے کہا کہ عدالتوں کے حکم کے باوجود عمران خان سے ملاقات میں رکاوٹیں پیدا ہو رہی ہیں۔

دوسری جانب سابق وفاقی وزیر نور الحق قادری عمران خان سے ملاقات کے لیے اڈیالہ جیل پہنچ گئے ہیں۔