پاک ایران گیس پائپ لائن منصوبے کے حق میں نہیں، امریکا

امریکہ نے پاکستان کو ایران کے ساتھ گیس پائپ لائن منصوبے سے باز رہنے کے لیے کہہ دیا ہے، امریکی محکمہ خارجہ کے ترجمان نے معمول کی بریفنگ کے دوران پاکستان کو پابندیوں کی دھمکی بھی دے دی۔

ترجمان امریکی محکمہ خارجہ میتھیوملر نے معمول کی پریس بریفنگ کے دوران کہا کہ ہم پاکستان کوایران کےساتھ کسی معاہدےسےبازرہنےکامشورہ دیتے ہیں، امریکا،پاک ایران گیس پائپ لائن منصوبے کےحق میں نہیں۔

میتھیوملر نے کہا کہ ایران کےساتھ کاروبارسےہماری پابندیوں میں آنےکاخطرہ ہے، سب کو مشورہ ہے کہ ایران کے ساتھ کاروبار کرنے سے پہلے اس کو زیر غور رکھیں۔

ترجمان نے پاکستان میں چینی انجینئرز پردہشت گردوں کےحملوں کی مذمت کی۔ دہشت گردوں کےہاتھوں پاکستانی عوام کونقصان اٹھاناپڑاہے، حملے سے متاثر ہونےوالوں سےدلی تعزیت کااظہار کرتےہیں۔