بشریٰ بی بی کو کچھ ہوا تو ذمہ دار شہباز شریف اور مریم نواز ہوں گے، بیرسٹر سیف

خیبرپختونخوا میں مشیر اطلاعات بیرسٹر محمد علی سیف نے کہا ہے کہ بشریٰ بی بی کو کچھ ہوا تو ذمہ دار وزیر اعظم شہباز شریف اور وزیر اعلیٰ پنجاب مریم نواز ہوں گے۔

محمد علی سیف بانی پی ٹی آئی عمران خان کی اہلیہ بشریٰ بی بی کے حوالے سے پیغام میں کہا ہے کہ بنی گالہ میں سابق خاتون اول کی زندگی کو شدید خطرات لاحق ہے، انھیں کچھ ہوا تو ذمہ دار شہباز شریف اور  مریم نواز ہوں گے۔

بیرسٹر سیف نے مزید کہا کہ بنی گالہ میں بشریٰ بی بی کو کھانے کی اشیاء میں ملاوٹ کی شکایات آ رہی ہیں۔ بنی گالہ کا انتظام خیبرپختونخوا حکومت کے حوالے کئے جائیں۔

مشیر اطلاعات نے مزید کہا کہ بشری بی بی کو توشہ خانہ کے من گھڑت کیس میں گرفتار کیا گیا ہے۔توشہ خانہ کے قیمتی تحائف ڈکارنے والی مریم نواز وزارت اعلیٰ کی منصب پر فائز ہو گئیں۔