سوتی دھاگے کی چین کو برآمدات جنوری اور فروری کے دوران 100 ملین ڈالر سے متجاوز

بیجنگ: پاکستان کی چین کو سوتی دھاگے کی بیجنگ کو برآمدات میں 98 فیصد اضافہ ریکارڈ کیا گیا ہے۔

سالانہ چین نے کہا ہے کہ رواں سال پہلے دوماہ (جنوری،فروری) کے دوران پاکستان کے سوتی دھاگے کی بیجنگ کو برآمدات 100 ملین ڈالر سے تجاوز کرگئیں جو سالانہ بنیاد پر 98 فیصد زیادہ ہیں۔

چین کی جنرل ایڈمنسٹریشن آف کسٹمز کے اعداد و شمار کے مطابق جنوری اور فروری 2024 کے دوران پاکستان سے 100.98 ملین ڈالر کا سوتی دھاگہ درآمد کیا گیا جس کا حجم گزشتہ سال اسی عرصے میں 57.77 ملین ڈالر رہا تھا۔

رپورٹ میں بتایا گیا کہ رواں سال اب تک پاکستان ،چین کو سوتی دھاگے کا ویتنام کے بعد دوسرا بڑا برآمد کنندہ ہے۔سینٹرل کاٹن ریسرچ انسٹی ٹیوٹ ملتان کے ٹرانسفر آف ٹیکنالوجی ڈیپارٹمنٹ کے سربراہ ساجد محمود نے چائنہ اکنامک نیٹ کو بتایا کہ پاک چین یارن کا کاروبار پاکستان کے لیے اہم موقعے کی نشاندہی کرتا ہے۔

ان کا کہنا تھا کہ چین کے ساتھ آزاد تجارتی معاہدے سے فائدہ اٹھانے کے باوجود پاکستان کو بھارت سے سخت مقابلے کا سامنا ہے خاص طور پر نان سیرو یارن میں بھارت کے لیے 3.5 فیصد زیادہ ڈیوٹی کے باوجود صورتحال مشکل ہے۔