جی این این سوشل

تجارت

ہائی سپیڈ ڈیزل کی فروخت میں مالی سال کے پہلے 9 ماہ میں 5 فیصدکی کمی ریکارڈ

ملک میں 4.58 ملین ٹن ہائی سپیڈ ڈیزل کی فروخت ریکارڈکی گئی

پر شائع ہوا

کی طرف سے

ہائی سپیڈ ڈیزل کی فروخت میں مالی سال کے پہلے 9 ماہ میں 5 فیصدکی کمی ریکارڈ
جی این این میڈیا: نمائندہ تصویر

اسلام آباد: ملک میں ہائی سپیڈ ڈیزل کی فروخت میں جاری مالی سال کے پہلے 9 ماہ میں سالانہ بنیادوں پر5 فیصدکی کمی ریکارڈکی گئی ہے۔

اوسی اے سی اورانڈسٹری کے اعدادوشمارکے مطابق جاری مالی سال کے پہلے 9 ماہ (جولائی 2023 تا مارچ2024) تک کی مدت میں ملک میں 4.58 ملین ٹن ہائی سپیڈ ڈیزل کی فروخت ریکارڈکی گئی جوگزشتہ مالی سال کی اسی مدت کے مقابلہ میں 5فیصدکم ہے، گزشتہ مالی سال کی اسی مدت میں ملک میں 4.82 ملین ٹن ہائی سپیڈ ڈیزل کی فروخت ریکارڈکی گئی تھی۔

مارچ میں ملک میں 0.46 ملین ٹن ہائی سپیڈ ڈیزل کی فروخت ریکارڈکی گئی جوگزشتہ سال مارچ کے مقابلہ میں 17 فیصدزیادہ ہے، گزشتہ سال مارچ میں ملک میں 0.40ملین ٹن ہائی سپیڈ ڈیزل کی فروخت ریکارڈکی گئی تھی، فروری کے مقابلہ میں مارچ میں ملک میں ہائی سپیڈ ڈیزل کی فروخت میں ماہانہ بنیادوں پر چار فیصد کا اضافہ ہوا، فروری میں ملک میں 0.45 ملین ٹن ہائی سپیڈ ڈیزل کی فروخت ریکارڈکی گئی جومارچ میں بڑہ کر 0.46 ملین ٹن ہوگئی۔

واضح رہے کہ جاری مالی سال کی ابتدائی تین سہ ماہیوں میں ملک میں پیٹرولئیم مصنوعات کی فروخت میں سالانہ بنیادوں پر11 فیصدکی کمی ہوئی ہے۔

 

پاکستان

وزیر داخلہ محسن نقوی کی ایرانی ہم منصب سے ملاقات

ملاقات میں ایران میں پاکستانی زائرین کے لیے سہولتوں اور قیدیوں کے تبادلے سمیت مختلف امور پر بھی تفصیلی تبادلہ خیال کیا گیا

پر شائع ہوا

ویب ڈیسک

کی طرف سے

وزیر داخلہ محسن نقوی کی ایرانی  ہم منصب سے ملاقات

اسلام آباد: وفاقی وزیر داخلہ محسن نقوی نے ایرانی ہم منصب ڈاکٹر احمد واحدی اور ایرانی وزیر قانون امین حسین رحیمی سے ملاقات کی۔

دونوں ممالک کے رہنماؤں کے درمیان ہونے والی ملاقات میں سیکیورٹی تعاون، انسداد دہشت گردی کی کوششوں، اسمگلنگ اور بارڈر مینجمنٹ پر بات چیت ہوئی۔

ملاقات میں ایران میں پاکستانی زائرین کے لیے سہولتوں اور قیدیوں کے تبادلے سمیت مختلف امور پر بھی تفصیلی تبادلہ خیال کیا گیا۔

وفاقی وزیر محسن نقوی نے کہا کہ ایرانی صدر کا دورہ پاکستان دوطرفہ تعلقات کے لیے انتہائی اہمیت کا حامل ہے۔ انہوں نے پاکستانی قوم کی جانب سے ایرانی صدر اور ان کے وفد کا پرتپاک استقبال کیا۔

پڑھنا جاری رکھیں

پاکستان

الیکشن کمیشن کا ضمنی انتخابات میں کامیاب ہونے والے امیدواروں کو فارم 47 جاری

بلوچستان اسمبلی کے حلقہ 50 قلعہ عبداللہ سے ری پولنگ میں ایک کامیاب امیدوار کا بھی فارم 47 جاری کیا گیا ہے

پر شائع ہوا

ویب ڈیسک

کی طرف سے

الیکشن کمیشن  کا  ضمنی انتخابات میں کامیاب  ہونے والے امیدواروں کو فارم 47 جاری

اسلام آباد :  الیکشن  کمیشن آف پاکستان نے ضمنی انتخابات میں کامیاب ہونے والے ضمنی الیکشن کے امیدواروں کے فارم 47 جاری کردیے۔

الیکشن کمیشن آف پاکستان  نے ضمنی انتخابات میں کامیاب ہونے والے 22 امیدواروں کے فارم 47 جاری کئے ہیں جن میں 5 قومی اسمبلی، 12 پنجاب اسمبلی، 2 بلوچستان اسمبلی اور 2 خیبرپختونخوا اسمبلی کے کامیاب امیدوار شامل ہیں۔

بلوچستان اسمبلی کے حلقہ 50 قلعہ عبداللہ سے ری پولنگ میں ایک کامیاب امیدوار کا بھی فارم 47 جاری کیا گیا ہے۔

یہ بھی پڑھیں : 

این اے 8 باجوڑ سے مبارک زیب آزاد حیثیت سے کامیاب ہوئے، این اے 44 ڈی آئی خان سے سنی اتحاد کونسل کے فیصل امین خان کامیاب قرار پائے جب کہ این اے 119 لاہور سے لیگی رہنما علی پرویز کامیاب ہوئے۔

پڑھنا جاری رکھیں

پاکستان

انتخا بات میں ہمارے پولنگ ایجنٹوں کو مارا گیا غیر قانونی طور پر گرفتار کیا گیا ، بیرسٹر گوہر

بیرسٹر گوہر نے کہا کہ ووٹ اور پبلک کی سپورٹ سے ہی ایوان بننا چاہئے نہ کہ دھاندلی سے، پی پی 32 کے نتائج تسلیم کرنے والی بات تو ہے ہی نہیں

پر شائع ہوا

ویب ڈیسک

کی طرف سے

انتخا بات میں ہمارے پولنگ ایجنٹوں کو مارا گیا غیر قانونی طور پر گرفتار کیا گیا ، بیرسٹر گوہر

اسلام آباد : چیئرمیں پی ٹی آئی بیرسٹر گوہر اعجاز نے کہا کہ ضمنی انتخابات کے نام پر قوم کے ساتھ مذاق کیا گیا ۔ 

انہوں نے کہا پاکستان میں اب قانون نام کی کوئی چیز باقی نہیں رہ گئی ہے ، انہوں نے کہا کہ ہمارے پولنگ ایجنٹوں کو مارا گیا ان کی غیر قانونی گرفتاریاں کی گئیں ۔

بیرسٹر گوہر نے کہا کہ ووٹ اور پبلک کی سپورٹ سے ہی ایوان بننا چاہئے نہ کہ دھاندلی سے، پی پی 32 کے نتائج تسلیم کرنے والی بات تو ہے ہی نہیں۔ 

ان کا کہنا تھا کہ کسی صورت اب اس ملک میں اپوزیشن اور حکومت ایک ساتھ نہیں چل سکتے انہوں نے مزید کہا کہ حکومت کے دن گنے جا چکے ہیں ۔ 

انہوں نے کہا کہ  الیکشن کمیشن کو ہم بار بار کہتے رہے کہ ہمیں لیول پلیئنگ فیلڈ مہیا گی جائے ، آزاد اور منصفانہ انتخابات کرائے جائیں لیکن جو ہو رہا ہے اس طریقے سے الیکشن نہیں ہوئے۔

پڑھنا جاری رکھیں

ٹرینڈنگ

Take a poll