این سی او سی کا ملک بھر میں ماس ویکسی نیشن مہم شروع کرنے کا فیصلہ

تفصیلات کے مطابق  این سی او سی نے ملک بھر میں ماس ویکسی نیشن مہم شروع کرنے کا فیصلہ کیا ہے۔مہم کے تحت مختلف پبلک اور پرائیویٹ سیکٹر کے ساتھ اشتراک کیا جائے گا۔

این سی او سی کے مطابق  ماس  ویکسی نیشن مہم تین حصوں پر مشتمل ہوگی، پاک ویک کی پیداوار میں اضافہ بھی ماس ویکسی نیشن مہم کا حصہ ہوگا، این سی او سی کی جانب سے 7 کروڑ شہریوں کو سال کے آخر تک ویکسین لگانے کا ٹارگٹ طے کر لیا گیا ہے۔

این سی او سی کا کہنا ہے کہ  ویکسی نیشن  کی صلاحیت بڑھانے کے لیے تمام فیڈریشن یونٹس کے ساتھ مشاورت مکمل کرلی گئی ہے۔ ماس ویکسی نیشن مہم میں میڈیا، مذہبی رہنماؤں اور نجی سیکٹر کو بھی شراکت دار بنانے کا فیصلہ کیا گیا ہے۔شرکاء کوان کی فیملیزاورملازمین کیلئےویکسی نیشن کی تمام سہولیات فراہم کرنےکی یقین  دہانی کرائی گئی ہے۔

سربراہ این سی او سی  اسد عمر کا کہنا ہے کہ مہم کا مقصد بیماری کے اثرات کو کم کرنا ہے تاکہ کاروباری سرگرمیاں کم پابندیوں کے ساتھ جاری رہ سکیں۔اجلاس میں شرکاء کی جانب سے ماس ویکسی نیشن مہم کیلئےمکمل تعاون کی یقین دہانی کرائی گئی ہے۔