سندھ حکومت نے عید الفطر کی تعطیلات کا اعلان کردیا

کراچی: سندھ حکومت نے عیدالفطر کی تعطیلات کا اعلان کردیا۔

سندھ حکومت نے عیدالفطر پر چار روزہ تعطیلات کا اعلان کردیا جس کا نوٹیفکیشن بھی جاری کردیا گیا ہے، نوٹیفکیشن کے مطابق عید کی تعطیلات 10 اپریل بروز بدھ سے 13 اپریل بروز ہفتہ تک ہوں گی۔

خیال رہے کہ محکمہ موسمیات نے شوال کا چاند 9 اپریل کو نظر آنے کا امکان ظاہر کیا ہے۔

محکمہ موسمیات نے عیدالفطر کے چاند کے حوالے سے پیشگوئی کی ہے کہ نئے چاند کی پیدائش 8 اپریل کو رات 11 بجکر 21 منٹ پر ہوگی اور 9 اپریل کو چاند نظر آنے کے امکانات ہیں۔

دوسری جانب وفاقی حکومت نے بھی عیدالفطر پر 10 سے 13 اپریل تک عام تعطیل کا اعلان کیا ہے۔