پاکستان میں مہنگائی 50 سال کی بلند ترین سطح پر پہنچ گئی

اسلام آباد: بجلی اور گیس کی قیمتوں میں تاریخی اضافے نے مہنگائی کو 50 سال کی بلند ترین سطح پر دھکیل دیا۔

رواں مالی سال مہنگائی کی شرح 26 فیصد اور 2025 میں 15 فیصد اور 2026 میں 11.5 فیصد رہنے کا امکان ہے۔

عالمی بینک کا کہنا ہے کہ پاکستان میں رواں مالی سال کی پہلی ششماہی میں مہنگائی 1974 کے بعد سب سے زیادہ رہی، بجلی اور گیس کی قیمتوں میں اضافے سے پیداواری لاگت میں نمایاں اضافہ ہوا۔

عالمی بینک کی جانب سے کہا گیا ہے کہ پاکستان میں مہنگائی میں اضافے کی بڑی وجہ بجلی اور گیس کی قیمتوں میں اضافہ ہے۔

عالمی بینک کے مطابق رواں مالی سال کی پہلی ششماہی میں شہری علاقوں میں توانائی کی افراط زر میں 50 فیصد اضافہ ہوا اور توانائی کی مہنگائی 50.6 فیصد رہی جب کہ گزشتہ سال کی اسی مدت میں یہ 40.6 فیصد تھی۔ رواں مالی سال کی پہلی ششماہی میں مہنگائی کی اوسط شرح 28.8 فیصد رہی جو گزشتہ سال کی اسی مدت میں 25 فیصد تھی۔