18 سال سے زائد عمر کے افراد کی ویکسی نیشن آج سے شروع

تفصیلات کے مطابق سوشل میڈیا پر جاری کیے گئے بیان میں این سی او سی کے سربراہ اسد عمر کا کہنا تھا کہ 18 سال سے زائد عمر کے افراد کی ویکسی نیشن 3 جون سے شروع کی جائے گی۔

صدر عارف علوی کا کہنا ہے کہ علمائے کرام مساجد میں نمازِ جمعہ کے موقع پر عوام کو کورونا وائرس کی ویکسی نیشن کے لیے خصوصی ترغیب دیں۔

ادھر چین کی کورونا ویکسین کین سائنو کے خام مال کی ایک اور کھیپ پاکستان پہنچ گئی۔

علاوہ ازیں سربراہ این آئی ایچ کا کہنا ہے کہ رواں ماہ ’پاک ویک ویکسین‘ کی 9 لاکھ خوراکیں تیار کی جائیں گی۔

انہوں نے کہا کہ جولائی میں پاک ویک ویکسین کی 30 لاکھ خوراکوں کی تیاری متوقع ہے۔