اداکارہ صبا قمر نے اپنا سر منڈوانے کی حامی بھرلی

تفصیلات کے مطابق پاکستانی اداکارہ صبا قمر کا نام کسی تعریف کا محتاج نہیں، اپنی منفرد اداکاری کی بدولت انہوں نے شوبز انڈسٹری میں اپنا الگ ہی مقام بنایا اور اپنی مقبولیت میں مزید اضافہ کرنے کے لئے سرگرم عمل ہیں، گزشتہ دنوں ایک ٹی وی شو میں شرکت پر ان سے میزبان نے دلچسپ سوالات کئے اور ان کے مستقبل کے بارے میں پوچھا کہ وہ اب کس ڈرامے میں کام کرنے والی ہیں؟

میزبان کوجواب دیتے ہوئے اداکارہ صبا قمر کا کہناتھا کہ کسی اچھے پراجیکٹ سے آفر آئی تو ضرور کروں گی اس کے لئے مجھے سر بھی منڈوانا پڑا تو یہ کام بھی کروں گی، اس حوالے سےاداکارہ نے اپنے ساتھی اداکاروں سے فون پر رائے بھی لی جس پر اداکار عدنان صدیقی ،مہوش حیات اور سرمد کھوسٹ نے رضا مندی کا اظہار کیا جبکہ اداکار بلال اشرف نے اداکارہ کو مشورہ دیتے ہوئے کہاکہ اگر وہ کوئی ہالی ووڈکا بڑا پراجیکٹ کرنے جارہی ہیں تو وہ لازمی اس آپشن کا انتخاب کریں۔

واضح رہے کہ قبل ازیں انسٹاگرام سٹوری پر انہوں نے ایک پوسٹ شیئر کی تھی جس میں انہوں نے اپنے کمرے میں داخل ہونے والوں کےلئے شرائط رکھیں،انسٹاگرام اسٹوری  کےذریعےاداکارہ  صبا قمر نے سب کو بتادیا کہ اگر سیٹ پران سےملناہےتوایک بات کا خیال رکھنا ہوگا،بغیر ماسک   کسی کو کمرے میں داخل ہونے کی اجازت نہیں ہوگی۔