جی این این سوشل

کھیل

پرس اولمپکس، ایتھلیٹ ارشد ندیم ٹریننگ کے لیے جنوبی افریقا روانہ

ارشد ندیم جاہانسبرگ میں 5 ہفتوں تک ٹریننگ کریں گے

پر شائع ہوا

کی طرف سے

پرس اولمپکس، ایتھلیٹ ارشد ندیم ٹریننگ کے لیے جنوبی افریقا روانہ
جی این این میڈیا: نمائندہ تصویر

ایتھلیٹ ارشد ندیم پیرس اولمپکس کی تیاریوں کے سلسلے میں ٹریننگ کے لیے جنوبی افریقا روانہ ہو گئے۔

ایتھلیٹکس فیڈریشن کی جانب سے ارشد ندیم کو جاہانسبرگ بھجوانے کے انتظامات کیے گئے تھے، جس کے تحت ارشد ندیم پیرس اولمپکس کی تیاریوں کے لیے جنوبی افریقا روانہ ہو گئے۔ ارشد ندیم 5 ہفتوں تک ٹریننگ کریں گے۔

لاہور کے علامہ اقبال انٹرنیشنل ائرپورٹ پر روانگی سے قبل اپنے ویڈیو پیغام میں ارشد ندیم کا کہنا تھا کہ ان کے گھٹنے میں انجری تھی جس کے لیے ان کا آپریشن ہوا اور اب بحالی مکمل ہو گئی ہے اور وہ کافی بہتر محسوس کر رہے ہیں۔ اولمپکس قریب ہیں اور میں اس کے لیے سخت محنت کر رہا ہوں.

انہوں نے مزید کہا کہ وزیر اعظم میاں شہباز شریف کے جنوبی افریقا بھجوانے میں خصوصی دلچسپی لینے پر ان کا مشکور ہوں۔

انہوں نے بتایا کہ 2 ماہ سے کوچ سلمان قبال کی زیر نگرانی بحالی صحت پروگرام پر عمل پیرا رہا، اب اس قابل ہوچکا ہوں کہ بھرپور ٹریننگ کے ساتھ اپنی پوری توجہ اولمپکس پر مرکوز کروں۔ یقین ہے جولائی میں شیڈول میگاایونٹ میں مایوس نہیں کروں گا۔

پاکستان

پاکستان نیوی وار کالج میں  53 ویں کانوکیشن کا انعقاد

مہمان خصوصی ایڈمرل نوید اشرف نے کامیاب ہونے والے نیوی وار کالج کے گریجویٹس میں ڈگریاں تقسیم کیں

پر شائع ہوا

ویب ڈیسک

کی طرف سے

پاکستان نیوی وار کالج  میں   53 ویں کانوکیشن کا انعقاد

لاہور :  لاہور میں پاکستان نیوی وار کالج میں 53 ویں کانوکیشن کا انعقاد ہوا۔  
تقریب میں چیف آف نیول سٹاف ایڈمرل نوید اشرف نے  بطور مہمان خصوصی شرکت کی ،  پاکستان نیوی وار کالج  کی کانوکیشن میں فارغ التحصیل ہونے والے ننانوے افسران میں ڈگریاں تقسیم کی  گئیں۔ 

ذرائع کے مطابق فارغ التحصیل  ہونے والے  افسران میں 37 کا تعلق دوست ممالک سے ہے۔ 

چیف آف نیول سٹاف نوید اشرف نے تقریب سے خطاب فرماتے ہوئے کہا کہ ٹیکنا لوجی کا فروغ مقناطیسی طبیعت کا ہے ، ایڈمرل نوید اشرف نے میری ٹائم سے متعلق آگاہی مہم کے لیے نیول وار کالج کو سراہا ، انہوں نے خطاب کرتے ہوئے مزید کہا کہ جنگی حکمت عملی میں روایت کے بجائے جدت کو اپنایا جائے۔
مہمان خصوصی ایڈمرل نوید اشرف نے کامیاب ہونے والے نیوی وار کالج کے گریجویٹس میں ڈگریاں تقسیم کیں۔ 
تقریب میں بشمول مہمان خصوصی ،اعلیٰ عسکری حکام، سول معززین اور گریجویٹس کے اہل خانہ نے بھی شرکت کی۔

پڑھنا جاری رکھیں

پاکستان

ایڈمرل نوید اشرف کی وزیر اعلی پنجاب مر یم نواز سے ملاقات

انہوں نے کہا کہ پوری قوم پاک بحریہ کی گرانقدر خدمات کو نہایت عزت اور احترام کی نگاہ سے دیکھتی ہے

پر شائع ہوا

ویب ڈیسک

کی طرف سے

ایڈمرل نوید اشرف کی وزیر اعلی  پنجاب مر یم نواز سے  ملاقات

پاک بحریہ کے سربراہ ایڈمرل نوید اشرف نے جمعہ کے روز وزیراعلیٰ پنجاب مریم نوازشریف سے لاہور میں ملاقات کی۔

اس موقع پر گفتگو کرتے ہوئے وزیراعلیٰ نے ملک کی سمندری سرحدوں کا تحفظ کرنے پر بحریہ کے بہادر جوانوں کی تعریف کی۔

انہوں نے کہا کہ پوری قوم پاک بحریہ کی گرانقدر خدمات کو نہایت عزت اور احترام کی نگاہ سے دیکھتی ہے۔

پڑھنا جاری رکھیں

دنیا

اسرائیل کی ہٹ دھرمی ، عالمی عدالت کا فیصلہ ماننے سے انکار

اسرائیلی قومی سلامتی کے وزیر ایتمار بن گویر نے رفح پر قبضہ کا مطالبہ بھی کردیا

پر شائع ہوا

ویب ڈیسک

کی طرف سے

اسرائیل کی ہٹ دھرمی ، عالمی عدالت کا فیصلہ ماننے سے انکار

بہودی حکومت نے عالمی عدالت انصاف کے فیصلے کو مسترد کردیا اور عالمی عدالت کے حکم پر عمل کرنے سے انکار کردیا۔

غیر ملکی میڈیا رپورٹ کے مطابق شدید رد عمل دیتے ہوئے اسرائیلی قومی سلامتی کے وزیر ایتمار بن گویر نے رفح پر قبضہ کا مطالبہ بھی کردیا۔

اسرائیلی سلامتی کونسل کے وزیر بن گویر نے کہا کہ ہیگ میں یہود مخالف عدالت کی طرف سے جاری کردہ غیر معمولی فیصلے کا واحد ردعمل رفح پر قبضہ کرنا، فوجی دباؤ بڑھانا اور جنگ میں مکمل فتح حاصل کرنے تک حماس کو کچلنا ہے۔

اسرائیلی جنگی کابینہ کے وزیر بینی گانٹز نے مزید کہا کہ اسرائیل اپنے یرغمالیوں کی واپسی اور اپنے شہریوں کی حفاظت کو یقینی بنانے کے لیے رفح سمیت جہاں بھی اور جب بھی ضروری ہوا لڑائی جاری رکھے گا۔ انہوں نے یہ بھی کہا کہ اسرائیل شہریوں کے زیادہ سے زیادہ ممکنہ تحفظ کو یقینی بناتے ہوئے بین الاقوامی قانون کے مطابق عمل کرے گا۔

بینی گانٹز نے اعلان کیا کہ اسرائیل اپنی جنگ جاری رکھے گا۔ اسرائیلی یرغمالیوں کے تحفظ اور ان کی واپسی تک تحریک حماس کے خلاف یہ جنگ ضروری ہے۔

علاوہ ازیں اسرائیل کے وزیر خزانہ بیزیل سموٹریچ نے کہا کہ اسرائیل عالمی عدالت انصاف کے فیصلے کو قبول نہیں کرے گا۔ اسرائیل سے حماس کے خلاف جنگ روکنے کا مطالبہ کرنا اسرائیل کو صفحہ ہستی سے مٹانے کے مترادف ہے۔ 

فی الحال اسرائیل کے وزیر اعظم بنجمن نیتن یاہو نے کوئی باضابطہ بیان نہیں دیا ہے لیکن تجزیہ کاروں کا خیال ہے کہ اسرائیل عالمی عدالت کے حکم کی خلاف ورزی جاری رکھے گا۔

دوسری جانب حماس نے بھی عالمی عدالت انصاف کے فیصلے کا خیرمقدم کیا لیکن ساتھ ہی کہا کہ حماس پوری غزہ کی پٹی کو اس حکم میں شامل کرنے کا انتظار کر رہی ہے۔

یاد رہے کہ گزشتہ روز عالمی عدالت انصاف نے اسرائیل کو غزہ میں جنگ روکنے کا حکم دیا تھا۔

پڑھنا جاری رکھیں

ٹرینڈنگ

Take a poll