عالمی اقتصادی فورم کا خصوصی اجلاس آج، وزیراعظم بھی شرکت کرینگے

عالمی اقتصادی فورم کا خصوصی 2 روزہ اجلاس آج سے ریاض میں شروع ہو رہا ہے جس کی سر پرستی سعودی ولی عہد محمد بن سلمان کررہے ہیں۔ وزیراعظم شہباز شریف گزشتہ روز ہی عالمی اقتصادی فورم میں شرکت کیلئے سعودی عرب پہنچے تھے۔ اس دورے کے وزیر خارجہ اسحق ڈار، وزیرخزانہ محمد اورنگزیب سمیت دیگر وزراء بھی ہمراہ موجود ہیں۔

وزیر اعظم محمد شہباز شریف نے کہا ہے کہ عالمی اقتصادی فورم کے خصوصی اجلاس میں شرکت کے لئے سعودی عرب کے دورے پر ہیں جہاں اپنی حکومت کو درپیش چیلنجوں سے جلد نکالنے کے لئے اہم بات چیت کے متمنی ہیں۔

سماجی رابطہ کی ویب سائیٹ ایکس پر اپنے ٹویٹ میں انہوں نے سعودی عرب سے خوش آمدید کہتے ہوئے کہا کہ وہ ورلڈ اکنامک فورم کے خصوصی اجلاس میں شرکت کے لئے سعودی عرب ہیں۔

یہ اجلاس عالمی تعاون،ترقی اور توانائی پر ہے۔وہ اس اجلاس کے موقع پر اپنی حکومت کو درپیش چیلنجوں سے فوری نمٹنے کے لئے اہم ملاقاتوں کے متمنی ہیں۔