کیا فواد خان ہالی وڈ سیریز" مس مارول " کا حصہ بننےجا رہے ہیں ؟

تفصیلات کے مطابق ہالی ووڈ سائنس فکشن سپر ہیرو فلمیں بنانے والے ادارے ماورل اسٹوڈیو کی پہلی مسلم سپر ہیرو وومن سیریز " مس مارول" کی کاسٹ میں پاکستانی اداکار فواد خان کی شمولیت کی خبریں سامنے آئی ہیں ۔ برطانوی نشریاتی ادارےرپورٹر ہارون رشید نے  سماجی رابطے کی ویب سائٹ  ٹوئٹر پر   انکشاف کیا ہے  کہ پاکستانی اداکار فواد خان  کو مس مارول کی کاسٹ میں شامل کرلیا گیا ہے، جس میں وہ مسلمان لڑکے کے کردار میں نظر آئیں گے ۔ اس شو کے آفیشل آئی ایم بی ڈی پیج پر کاسٹ کی فہرست میں فواد خان کا نام درج ہے۔فواد خان کے ساتھ ساتھ پاکستان کی معروف اداکارہ ثمینہ احمد اور نمرہ بُچہ بھی سیر یز میں نظر آئیں گے۔

Wow! Fawad Khan set to appear in Ms Marvel - the Disney+ series about Marvel’s first titular Muslim character. He's listed on the show's official IMDB page. Farhan Akhtar, Nimra Bucha and Samina Ahmad are reportedly part of the cast too. Marvel yet to comment. Amazing if true! pic.twitter.com/FFdvBHXRGO

— Haroon Rashid (@iHaroonRashid) June 4, 2021

سیریز کی ہدایت کاری کے فرائض    پاکستانی ہدایتکار شرمین عبید چنائے، بھارتی ہدایتکارہ میرامینن  ، بلال فلاح اور عادل العربی   سرانجام دیں گے ۔ ٹی وی سیریز اسٹریمنگ ویب سائٹ ڈرنی پلس پر رواں سال کے آخر میں پیش کی جائے گی۔

خیال رہے کہ مارول اسٹوڈیو عالمی سطح پر سب سے بڑے فلم اسٹوڈیو میں سے ایک تسلیم کیا جاتا ہے، مس مارول کا مرکزی کردار مسلم سپر ہیرو لڑکی کمالہ خان کا ہے جسے پاکستانی نژاد امریکی شہری 16 سالہ ایمان ولانی ادا کریں گی۔ مس مارول کے کردار کو مارول ایڈیٹر اور ڈائریکٹر ثنا امانت نے بطور شریک تخلیق کار 2014ء میں بنایا تھا۔ مس مارول 16 سال کی پاکستانی نژاد امریکی مسلم نوجوان لڑکی ہے  ، اور اس   کردار میں لڑکی کے  پاس اپنی صورت اور روپ تبدیل کرنے کی صلاحیت ہوتی ہے۔ یہ پہلا مسلم کردار ہے جس پر کامک بک سیریز بنائی گئی ہے۔