قومی کرکٹ ٹیم دورہ آئرلینڈ اور انگلینڈ کیلئے روانہ

پاکستان کرکٹ ٹیم آئرلینڈ اور انگلینڈ کے دورے کیلئے براستہ دبئی روانہ ہوگئی۔ قومی کرکٹ ٹیم نیشنل کرکٹ اکیڈمی لاہور سے روانہ ہونے کے بعد دبئی پہنچی۔

دبئی سے پاکستان کرکٹ ٹیم آئرلینڈ روانہ ہوگی، جہاں قومی ٹیم تین ٹی 20انٹرنیشنل میچوں کی سیریز کھیلے گی۔

ٹی 20 میچز 10، 12 اور 14مئی کو ڈبلن میں کھیلے جائیں گے۔آئرلینڈ سے پاکستان کرکٹ ٹیم انگلینڈ جائے گی۔ گرین شرٹس انگلینڈ کے خلاف چار ٹی 20 میچز کھیلے گی۔

محمد عامر ویزہ اجراء میں تاخیر پر ٹیم کو آئرلینڈ میں جوائن کریں گے۔ اس کے علاوہ شاداب خان اور حسن علی بھی آئرلینڈ میں ٹیم کا حصہ بنیں گے۔

دوسری جانب قومی کرکٹ ٹیم کی آئر لینڈ روانگی سے قبل لاہور ائیرپورٹ پر قائم مقام گورنر پنجاب محمد احمد خان پہنچے جہاں وی آئی پی لاؤنج میں قائمقام گورنر پنجاب محمد احمد خان نے قومی کرکٹ ٹیم سے ملاقات کی۔

لاہور ائیرپورٹ پر قائم مقام گورنر پنجاب محمد احمد خان کی آمد

وی آئی پی لاؤنج میں محمد احمد خان نے قومی کرکٹ ٹیم سے ملاقات کی

قائم مقام گورنر پنجاب محمد احمد خان کی طرف سے قومی ٹیم کیلئے نیک خواہشات کا اظہار

قائم مقام گورنر پنجاب محمد احمد خان ٹیم کو ایئرپورٹ پر الوداع کیا pic.twitter.com/fOI6KOtG9x

— PCB Media (@TheRealPCBMedia) May 7, 2024

قائم مقام گورنر پنجاب محمد احمد خان نے قومی ٹیم کیلئے نیک خواہشات کا اظہارکیا اور قومی کرکٹ ٹیم کو ایئرپورٹ پر الوداع کیا۔