پاکستانی شہری پرتگال میں ڈکیتی مذاحمت پر قتل

لاہور کے رہائشی نوجوان طالب علم انتھونی شوکت کو پرتگال میں قتل کر دیا گیا۔ اہلخانہ نے حکومت سے میت جلد پاکستان لانے اور انصاف کی اپیل کی ہے۔

اہل خانہ کا کہنا ہے کہ مقتول انتھونی شوکت پرتگال کینسر ریسرچ کے پراجیکٹ کے لیے گیا تھا۔

گھر والوں نے مزید بتایا کہ مقتول کو ڈاکوؤں نے قتل کیا ، موبائل ، رقم اور لیپ ٹاپ لوٹ لیا۔

نتھونی شوکت نے سویڈن سے ماسٹر اور جرمنی سے پی ایچ ڈی کی ڈگری حاصل کر رکھی تھی۔

پرتگال میں کمیونٹی کی ابتدائی معلومات کے مطابق  انتھونی شوکت سوئیڈن سے چند روز قبل ہی پرتگال آئے تھے، بے دردی سے قتل کا واقعہ پورتو میں پیش آیا۔

لواحقین نے حکومت پاکستان سے انصاف اور جلد از جلد لاش کو پاکستان لانے کی اپیل کی ہے۔