ٹھٹھہ ہائی وے پر خوفناک حادثے میں 5 افراد جاں بحق

جھرک کے قریب قومی شاہراہ پر ڈمپر اور وین میں خوفناک تصادم ہوا، جس کے نتیجے میں 5 افراد جاں بحق ہوگئے۔

حادثے کی اطلاع ملتے ہی ریسکیو اور پولیس موقع پر پہنچ گئی ، حکام کے مطابق ٹریلر اور وین میں ٹکر کے نتیجے میں جاں بحق ہونیوالوں کی تعداد 5 ہوگئی ۔

ریسکیو حکام نے بتایا کہ حادثے میں  4 افراد موقع پرہی دم توڑ گئے جبکہ 5 زخمی ہوئے جن میں سے ایک زخمی ہسپتال لے جاتے ہوئے انتقال کرگیا۔

ریسکیو کے مطابق زخمیوں کو حیدرآباد سول ہسپتال منتقل کیا جا رہا ہے۔