پنجاب حکومت کا سولر پینلز کی مینو فیکچرنگ شروع کرنے کا فیصلہ

صوبائی وزیر صنعت و تجارت چوہدری شافع حسین نے سولر پینلز کی مینو فیکچرنگ کے عزم کا اظہار کیا ہے، جس سے سولر پیپنلز کی قیمتوں میں کمی کا امکان ہے۔

وزیر صنعت و تجارت چوہدری شافع حسین نے چین کی ایک سولر کمپنی کے وفد سے ملاقات کی اور اس ملاقات میں سولر پینلر کے لیے فیکٹریاں لگانے پر بات چیت ہوئی۔

چوہدری شافع حسین نے کہا کہ صوبائی حکومت مقامی سطح پر سولر پینلز کی مینو فیکچرنگ کرنا چاہتی ہے جبکہ چینی کمپنیاں سولر انرجی سیکٹر میں سرمایہ کاری کرے گی جبکہ ہم انہیں سہولت فراہم کریں گے۔

وزیر صنعت و تجارت پنجاب نے طویل المدت پالیسی بنانے کا عندیہ دیتے ہوئے کہا کہ چینی کمپنیوں نے سرمایہ کاری کے لیے آمادگی کا اظہار کیا ہے اور اسوقت پنجاب میں سولر انجری میں سرمایہ کاری کا بہترین وقت ہے۔