جیسن ہولڈر انجری کا شکار ، ٹی ٹوئنٹی ورلڈ کپ اسکواڈ سے باہر

جیسن ہولڈر انجری کا شکار ہو کر ٹی ٹونٹی ورلڈ کپ اسکواڈ سے باہر ہو گئے۔ 

ذرائع کے مطابق ویسٹ انڈیز کے بائیں ہاتھ کے تیز گیند باز جیسن ہولڈر کاؤنٹی چیمپین شپ کے دوران چوٹ لگنے کے باعث زخمی ہو گئے تھے۔ 

ویسٹ انڈیز ٹیم کے چیف سیلیکٹر ڈیز مونڈ نے میڈیا سے گفتگو کرتے ہوئے بتایا کہ جیسن بلا شبہ ٹیم کا ایک بہترین اثاثہ ہیں جس کی بدولت ٹیم میں ان کی کمی محسوس کی جاۓ گی۔ انہوں نے امید ظاہر کی کہ جیسن جلد از جلد صحتیاب ہو کر دوبارہ ٹیم میں شمولیت اختیار کریں گے۔ 

ویسٹ انڈیز ٹیم نے اپنے آفیشل ٹویٹر اکاؤنٹ سے ٹویٹ کرتے ہوئے تصدیق کی کہ ٹیم میں جیسن ہولڈر کی جگہ ریزرو کھلاڑی کو موقع دیا جاۓ گا، جس کے لیے ویسٹ انڈیز ٹیم کے ریزرو کھلاڑی عبید مکا ئے کو ورلڈ کپ سكواڈ میں شامل کر لیا گیا ہے۔ 

عبید مکائے نے ویسٹ انڈیز کے حالیہ نیپال ٹور میں بہترین باولنگ کے جوہر دکھاۓ تھے۔