بھارت : ہیٹ سٹروک سے ایک دن میں 15 اموات ریکارڈ

بھارت کی مشرقی ریاستوں بہار اور اوڑیسہ میں ہیٹ سٹروک سے ایک دن میں کم از کم 15 اموات ریکارڈ کی گئی ہیں اور محکمہ موسمیات نے خطے میں ہیٹ ویو مزید دو دن جاری رہنے کی پیشین گوئی کی ہے۔ بھارتی ذرائع ابلاغ کی رپورٹ کے مطابق ریاست اوڑیسہ کے علاقے رورکیلا کے سرکاری ہسپتال میں 10 افراد جبکہ بہار کے شہر اورنگ آباد میں پانچ اموات کی اطلاع ہے۔

واضح رہے کہ بھارتی دارالحکومت نئی دہلی میں رواں ہفتے کے دوران اب تک کا سب سے زیادہ درجہ حرارت 52.9 ڈگری سینٹی گریڈ ریکارڈ کیا جا چکا ہے ۔ 

جہاں شدید گرمی کے باعث پرندوں اور بندروں کے بے ہوش ہونے کے واقعات سامنے آئے ہیں۔ بھارت کے محکمہ موسمیات نے آنے والے دنوں میں ملک کے شمال مغربی اور وسطی حصوں میں درجہ حرارت میں کمی کی توقع ظاہر کی ہے ۔ریاست اڑیسہ کی حکومت نے شدید گرمی کے باعث سرکاری ملازمین کے لئے صبح 11 بجے سے سہ پہر 3 بجے کے درمیان بیرونی سرگرمیوں پر پابندی لگا دی ہے۔