اداکارفیروزخان کی دوسری شادی کی ویڈیو وائرل

پاکستانی خوبرو اداکار فیروز خان کی دوسری شادی کی حالیہ جاری خبریں لوگوں کی توجہ کا مرکز بن گئی ہیں۔

اداکار فیروز خان کی مایوں کے بعد شادی کی ویڈیوزبھی منظرعام پر آگئیں، جس میں اداکار فیروز خان کو اپنی دلہن کے ساتھ گھر میں سیڑھیاں چڑھتے دیکھا گیا۔ مبینہ طور پر دلہن کا نام دعا بتایا جا رہا ہے۔ حالیہ جاری تصاویراور ویڈیوز نے سوشل میڈیا صارفین کوحیرت میں ڈال دیا ہے۔

تفصیلات کے مطابق یہ ویڈیوز سوشل میڈیا کے پلیٹ فارم انسٹاگرام پر یاسین لاکھانی نامی سوشل میڈیا صارف کے اکاؤنٹ سے شیئر کی گئی ہیں ۔

پہلی شئیر کی گئی ویڈیو میں اداکار کو مہندی کی رسم کے دوران دلہن دعا کے ہاتھوں پر مہندی لگاتے صاف دیکھا جا سکتا ہے۔

دوسری ویڈیو بھی انسٹاگرام کے اسی صارف کے اکاؤنٹ سے شیئر کی گئی ہے، جس میں فیروز خان دلہا کے روپ میں موجود ہیں ۔ ویڈیو میں فیروز خان کو دلہن کے ہمراہ سیڑھیاں چڑھتے دیکھا جا سکتا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Yaseen Lakhani (@yaseenlakhanii)

ویڈیوز وائرل ہوتے ہی سوشل میڈیا پر ایک نئی بحث چھڑ گئی، کوئی ویڈیو کوڈرامے یا فلم کی شوٹنگ سمجھا تو کسی نے حقیقت سمجھ  کر اداکار کودعائیں دیں۔

 سوشل میڈیا صارفین کے مطابق حالیہ جاری ویڈیو میں آگے دکھائی دینے والی خاتون اداکار فیروز خان کی والدہ ہیں۔

فی الوقت، فیروز خان کے اہل خانہ یا ان کے کسی بھی قریبی دوست احباب نے فیروز خان کی دوسری شادی کی تصدیق یا تردید نہیں کی ہے۔

یاد رہے کہ  فیروز خان کی  پہلی شادی 2018 میں علیزا سلطان سے ہوئی تھی، جو زیادہ دیر چل نہ سکی اور دونوں کے درمیان 2022 میں طلاق ہو گئی تھی۔ اہلیہ علیزا نے الزام عائد کیا تھا کہ فیروز خان انہیں تشدد کا نشانہ بناتے تھے۔