پولیس اور اشتہاری مجرموں کے درمیان فائرنگ کا تبادلہ، ایک اشتہاری ہلاک

چارسدہ پولیس اور اشتہاری مجرموں کے درمیان فائرنگ کے تبادلے میں ایک اشتہاری ہلاک ہوگیا جبکہ پولیس نے دوسرے اشتہاری کو گرفتار کرلیا گیا۔

ترجمان چارسدہ پولیس کے مطابق سٹی پولیس نے بیلہ گئی اتمانزئی میں اشتہاری مجرمان کے خلاف کارروائی کی ،اس دوران ملزمان نے پولیس کودیکھتے ہی فائرنگ شروع کردی جس پر پولیس کی جوابی فائرنگ میں ایک اشتہاری مجرم ہلاک اور دوسرے کو گرفتار کرکے اسلحہ برآمد کر لیا گیا ۔

گرفتار ہونے والے اشتہاری کی شناخت محمد صدیق عرف فوجی کے نام سے ہوئی جبکہ ہلاک ہونے والے کا نام ملک تاج بتایا گیا ہے۔ پولیس کے مطابق دونوں اشتہاری مجرمان ناظم جان کے قتل میں مطلوب تھے۔