صحت
سندھ اور پنجاب بھر میں انسداد پولیو مہم آج (پیر) سے شروع
سندھ میں مہم کے دوران 54 لاکھ کے قریب بچوں کو پولیو کے قطرے پلائے جائیں گے
![سندھ اور پنجاب بھر میں انسداد پولیو مہم آج (پیر) سے شروع](/media/107557/conversions/polio-696x392-1280x720.jpg)
سندھ اور پنجاب بھر میں انسداد پولیو مہم آج (پیر) سے شروع ہوگی۔
سندھ میں انسداد پولیو مہم 3 سے 9 جون تک جاری رہے گی جس میں 54 لاکھ کے قریب بچوں کو پولیو کے قطرے پلائے جائیں گے۔
انسداد پولیو مہم کے دوران 35 ہزار سے زائد کارکنان حصہ لیں گے اور 4 ہزار سے زائد اہلکار پولیو ٹیم کی سکیورٹی پر مامور ہوں گے۔
لاہور، راولپنڈی، فیصل آباد، ملتان، میانوالی اور اوکاڑہ میں بھی انسداد پولیو مہم آج سے شروع کی جائے گی۔
سربراہ انسدادِ پولیو پروگرام پنجاب نے خبردار کیا ہے کہ گرمیوں کا موسم پولیو وائرس کے لیے انتہائی سازگار ہوتا ہے،گرم موسم میں پولیو پھیلنے کا خدشہ ہے۔
تفریح
بالی ووڈ اداکارہ ملائکہ اروڑا کے والد نے خودکشی کر لی
ابھی تک انیل اروڑا کی خودکشی کی وجوہات کا تعین نہیں ہو سکا ہے
![بالی ووڈ اداکارہ ملائکہ اروڑا کے والد نے خودکشی کر لی](/media/117931/conversions/Malika-Arora-Family-1280x720.jpg)
ممبئی: بالی ووڈ کی معروف اداکارہ اور ڈانسر ملائکہ اروڑا کے والد انیل اروڑا کا انتقال ہو گیا ہے۔ رپورٹس کے مطابق انہوں نے مبینہ طور پر چھت سے چھلانک لگا کر خودکشی کر لی۔
انیل اروڑا کے انتقال کی خبر سے بالی ووڈ انڈسٹری میں صدمے کی لہر دوڑ گئی ہے۔ ملائکہ اروڑا کے ساتھ ساتھ ان کی بہن امریتا اروڑا اور والدہ جوائس پولیکارپ بھی اس المناک واقعے سے شدید صدمے میں ہیں۔
بھارتی میڈیا کے مطابق ارباز خان سب سے پہلے شخص ہیں جو انیل اروڑا کی موت پر ملائکہ اروڑا کے گھر پہنچے۔ ارباز خان اور ملائکہ اروڑا کا طلاق ہو چکا ہے لیکن دونوں اچھے دوست ہیں۔
ابھی تک انیل اروڑا کی خودکشی کی وجوہات کا تعین نہیں ہو سکا ہے۔ پولیس اس معاملے کی تحقیقات کر رہی ہے اور جلد ہی اس حوالے سے کوئی اعلان کرنے کی توقع ہے۔
پاکستان
آمنہ بلوچ پاکستان کی 33 ویں سیکرٹری خارجہ بن گئی ہیں
وہ چین کے شہرچینگڈو میں پاکستانی قونصل جنرل ملائیشیا کی ہائی کمشنر اور یورپی یونین بلجیم اور لکسمبرگ میں پاکستان کی سفیر رہ چکی ہیں
![آمنہ بلوچ پاکستان کی 33 ویں سیکرٹری خارجہ بن گئی ہیں](/media/117954/conversions/1388206_015058_updates-1280x720.jpg)
آمنہ بلوچ پاکستان کی 33 ویں سیکرٹری خارجہ بن گئی ہیں۔
انہوں نے موجودہ سیکرٹری خارجہ محمد سائرس سجاد قاضی کی ریٹائرمنٹ کے بعد اپنا عہدہ سنبھالا ، واضح رہے کہ دفتر خارجہ کے مطابق آمنہ بلوچ ایک تجربہ کار سفارتکار ہیں جو پاکستان کے اندر اور باہر مختلف اہم عہدوں پر فائزرہی ہیں۔
وہ چین کے شہرچینگڈو میں پاکستانی قونصل جنرل ملائیشیا کی ہائی کمشنر اور یورپی یونین بلجیم اور لکسمبرگ میں پاکستان کی سفیر رہ چکی ہیں۔
صحت
پنجاب میں ڈینگی کے وار برقرار، مزید 32 کیسز رپورٹ
صوبے بھر میں رواں سال ڈینگی مریضوں کی تعداد 518 تک پہنچ گئی، محکمہ صحت پنجاب
![پنجاب میں ڈینگی کے وار برقرار، مزید 32 کیسز رپورٹ](/media/117958/conversions/Expo-Dengue-Hospital-1280x720.jpg)
صوبہ پنجاب میں گزشتہ 24 گھنٹوں کے دوران ڈینگی کے مزید 32 کیسز رپورٹ ہوئے ہیں، خیبر پختونخوا میں بھی ڈینگی کے وار جاری ہیں۔
ترجمان محکمۂ صحت پنجاب کے مطابق صوبے بھر میں رواں سال ڈینگی مریضوں کی تعداد 518 تک پہنچ گئی ہے۔ راولپنڈی سے ڈینگی کے 23 اور لاہور سے 6 کیسز رپورٹ ہوئے ہیں۔
ترجمان کا کہنا ہے کہ پنجاب کے شہر اوکاڑہ، ننکانہ صاحب اور نارووال سے ڈینگی کا ایک ایک کیس رپورٹ ہوا ہے۔
دوسری طرف صوبہ خیبر پختونخوا میں بھی ڈینگی وائرس کے کیسز میں اضافہ دیکھنے میں آیا ہے۔ ڈی جی ہیلتھ خیبر پختون خوا کی جانب سے تمام ڈی ایچ اوز کو مراسلہ بھیجا گیا ہے۔
جاری کیے گئے مراسلے کے مطابق خیبر پختونخوا کے بعض اضلاع میں ڈینگی کیسز میں اضافہ ہوا ہے۔ مراسلے میں ڈینگی کے خلاف سرگرمیاں تیز کرنے کی ہدایت کی گئی ہے۔
-
موسم 6 گھنٹے پہلے
صوبائی دارالحکومت لاہور میں سورج اور بادلوں کی آنکھ مچولی
-
پاکستان 4 گھنٹے پہلے
پارلیمنٹ سےگرفتاریوں کا معاملہ، ساجنٹ ایٹ آرمز سمیت 5 سکیورٹی اہلکار معطل
-
تفریح 18 گھنٹے پہلے
شاہ رخ خان نےمالی سال 24 ۔ 2023 کے دوران 92 کروڑ بھارتی روپے ٹیکس ادا کیا
-
دنیا 9 گھنٹے پہلے
امریکی صدارتی انتخابات: ڈونلڈ ٹرمپ اور کملا ہیرس کے درمیان پہلا مباحثہ
-
علاقائی 2 دن پہلے
خیبر پختونخوا کے مختلف علاقوں میں 4.5 شدت کا زلزلہ
-
پاکستان 7 گھنٹے پہلے
ملک میں وی پی اینز کو بلاک نہیں کیا جا رہا، پی ٹی اے
-
ٹیکنالوجی 4 گھنٹے پہلے
یو ٹیوب نے نئے اے آئی ٹولز متعارف کروانے کا اعلان کر دیا
-
پاکستان 5 گھنٹے پہلے
توڑ پھوڑ کیس: پی ٹی آئی رہنماء شعیب شاہین کی ضمانت منظور