کراچی کے مختلف علاقوں میں زلزلے کے جھٹکے

تفصیلات کے مطابق ملک کے سب سے بڑے شہر کراچی کے مختلف علاقوں کلفٹن ، صدر ، ملیر اور اس کے اطراف میں زلزلے کے جھٹکے محسوس کیے گئے۔

زلزلہ پیما کے مطابق زلزلے کی شدت 3.2 ریکارڈ کی گئی ہے ،  جبکہ اس کی گہرائی 22 کلومیٹر اور مرکز کراچی کے شمال مشرق میں 15 کلومیٹر دور تھا۔

زلزلے کے جھٹکوں کے باعث لوگوں میں خوف و ہراس پھیل گیا اور شہری کلمہ طیبہ کا ورد کرتے ہوئے گھروں سے باہر نکل آئے ۔

تفصیلات کے مطابق اب تک زلزلے سے کسی قسم کے جانی نقصان کی کوئی خبریں موصول نہیں ہوئیں ۔