خام تیل کی عالمی قیمتوں میں اضافے کا رحجان

بین الاقوامی منڈی میں خام تیل کی قیمتوں میں اضافے کا رجحان شروع ہوگیا ہے۔

بین الاقوامی منڈی میں برینٹ خام تیل 2 فیصد اضافے سے80 ڈالر فی بیرل کی سطح پر موجود ہے جبکہ ٹریڈنگ کے دوران ڈبلیو ٹی آئی خام تیل 76 ڈالر فی بیرل پر ٹریڈ ہوا۔

ماہرین کے مطابق یورپی مرکزی بینک کی جانب سے شرح سود میں کمی کے فیصلے کے بعد جمعرات کو خام تیل کی قیمتیں اضافے کے رحجان کی وجہ بنیں۔

یاد رہے کہ گزشتہ ہفتے خام تیل کی قیمتوں میں کمی ہوئی تھی۔

دوسری جانب عالمی منڈی میں گیس قیمت تقریباً 2 فیصد اضافے سے 2 ڈالر 80 سینٹس ایم ایم بی ٹی یو کی سطح پر پہنچ چکی ہے۔