حکومت کا بے نظیر انکم سپورٹ پروگرام  کے بجٹ میں 593 ارب روپے مختص کرنے کا فیصلہ 

حکومت نے بے نظیر انکم سپورٹ پروگرام  کے بجٹ میں 593 ارب روپے مختص کرنے کا فیصلہ کر لیا ہے ۔ 

وفاقی وزیر خزانہ محمد اورنگزیب نے بجٹ اجلاس سے خطاب کرتے ہوئے کہا کہ بے نظیر انکم سپورٹ پروگرام ملک کے سماجی تحفظ کے اقدامات میں ایک سنگ میل کی حیثیت رکھتا ہے، جس کے تحت لاکھوں خاندانوں کو ضروری نقد امداد فراہم کی جاتی ہے۔ 
موجودہ حکومت نے فیصلہ کیا ہے کہ مالی سال 2024-25 میں بی آئ ایس پی پروگرام  کے تحت مالی خود مختاری کا پروگرام جاری رکھا جائے گا۔ 
رواں مالی سال میں بی آئی ایس پی پروگرام کے لیے مختص بجٹ کو 27 فیصد اضافہ کے ساتھ 593 ارب روپے تک لے جایا جائے گا۔ 
وفاقی وزیر خزانہ نے خطاب کرتے ہوئے کہا کہ کفالت پروگرام کے تحت مستفید ہونے والے خاندانوں کی تعداد کو 9.3 ملین سے بڑھا کر 10 ملین  تک لے جایا جائے گا۔