چینی وزیر اعظم کی نیوزی لینڈ کی گورنر سنیتھا کیرو سے ملاقات

 چینی  وزیر اعظم لی چھیانگ  نے ویلنگٹن گورنر ہاؤس میں نیوزی لینڈ کی گورنر سنتھیا کیرو سے ملاقات کی۔

 لی چھیانگ نے صدر شی جن پھنگ کی جانب سے گورنر کیرو کو نیک خواہشات پیش کیں۔لی چھیانگ نے کہا کہ  نیوزی لینڈ کا میرا دورہ چین اور  نیوزی لینڈ کے درمیان جامع اسٹریٹجک شراکت داری کے قیام کی 10 ویں سالگرہ کے موقع پر ہو رہا ہے اور یہ دوستی اور تعاون کا سفر ہے۔ چین  نیوزی لینڈ کے ساتھ مل کر کام کرنے کے لئے تیار ہے تاکہ دونوں ممالک اور دنیا کے عوام کے فائدے کے لئے چین  نیوزی لینڈ جامع اسٹریٹجک شراکت داری کا اپ گریڈ ورژن تیار کیا جاسکے۔

 لی چھیانگ نے نشاندہی کی کہ چین اور نیوزی لینڈ کے ترقیاتی تصورات، ثقافتی اقدار اور بین الاقوامی تجاویز ملتے جلتے ہیں، اور سالوں سے ایک دوسرے کی ترقی سے فائدہ اٹھایا ہے، اور دونوں فریقوں کو ہمیشہ مشترکہ ترقی میں شراکت دار ہونا چاہئے ۔ 

چین نیوزی لینڈ کے ساتھ تعاون کے تعلقات کو مزید مستحکم کرنے، تعلیمی، ثقافتی اور عوامی سطح پر دیگر تبادلوں کو مضبوط بنانے، عوامی سطح پر تبادلوں کو وسعت دینے اور دوستانہ تبادلوں کی مزید کہانیاں لکھنے میں  کام کرنے کے لئے تیار ہے۔

سنتھیا  کیرو نے کہا کہ نیوزی لینڈ چین کے ساتھ مختلف شعبوں میں تعاون کو گہرا کرنے، لوگوں کے درمیان اور ثقافتی تبادلوں کو مضبوط بنانے، دونوں عوام کے درمیان دوستی کو مزید بڑھانے اور ماحولیاتی تبدیلی جیسے عالمی مسائل کو مشترکہ طور پر حل کرنے کا خواہاں ہے۔