عید الاضحی کے موقع پر لاہور میں گیسٹرو اور ڈائریا کے سینکڑوں مریض رپورٹ

عید الاضحی کے موقع پر لاہوریے زیادہ کھانے سے باز نہ آئے، پہلے روز گیسٹرو اور ڈائریا کے سینکڑوں مریض رپورٹ ہوئے۔

لاہور کے ہسپتالوں کی ایمرجنسی میں پیٹ میں انفیکشن اور ڈائریا کے مریضوں کی تعداد بڑھ گئی۔ شہر کے چھ بڑے سرکاری اسپتالوں میں پہلے روز 2 ہزار سے زائد مریض رپورٹ ہوئے۔

میو ہسپتال میں گیسٹرو، ڈائریا اور پیٹ میں درد کے 180 سے زائد مریض آئے۔ جناح ہسپتال میں 130 سے ​​زائد، جنرل اور سروسز ہسپتال میں 100 سے زائد مریض۔ جبکہ گنگارام اور میاں منشی ہسپتال میں بھی مریضوں کی اطلاع ملی۔

طبی ماہرین کا کہنا ہے کہ عیدالاضحیٰ پر بہت زیادہ کھانا معدے کے امراض کا باعث بنتا ہے اور گوشت کھانے سے معدے اور جگر کے مریض زیادہ متاثر ہوتے ہیں۔ بیمار افراد 100 گرام سے زیادہ گوشت نہ کھائیں، دہی، لیموں اور پانی کا زیادہ استعمال کریں۔