توہین مذہب کے الزام میں ملزم کو جلانے کے واقعے میں ملوث ملزمان گرفتار

سوات میں قرآن پاک کی مبینہ طور پر بے حرمتی کے الزام میں 3 روز قبل ملزم کو زندہ جلانے کے واقعے میں ملوث 40 ملزمان کو گرفتار کر لیا گیا ہے۔

میڈیا رپورٹ کے مطابق سوات کے علاقے مدین میں توہین مذہب کے الزام میں مشتعل ہجوم نے ایک سیاح شہری کو قتل کردیا تھا۔

پولیس کے مطابق گرفتار تمام افراد کے نام ایف آئی آر میں شامل ہیں، گرفتار کیے جانے والوں میں مرکزی ملزم بھی شامل ہے۔

یاد رہے کہ 2 روز قبل سوات پولیس نے خیبر پختونخوا کے ضلع سوات کے علاقے مدین میں مبینہ طور پر قرآن پاک کی بے حرمتی کے الزام میں زیر حراست ملزم کو زندہ جلانے کے واقعے پر 2 افراد کے خلاف ایف آئی آر درج کی تھی لیکن تاحال کوئی گرفتاری عمل میں نہیں لائی گئی تھی۔

3 روز قبل مشتعل ہجوم نے سوات کے مدین پولیس تھانے میں گھس کر ملزم کو زندہ جلانے کے بعد اس کی لاش، پولیس اسٹیشن اور پولیس کی گاڑی کو آگ لگادی تھی۔