جی این این سوشل

دنیا

غزہ میں گزشتہ 24 گھنٹے کے دوران اسرائیلی حملوں میں 56 فلسطینی شہید

گزشتہ سال 7 اکتوبر سے غزہ میں جاری اسرائیلی جنگ کے نتیجے میں 37 ہزار سے زائد فلسطینی شہید اور85 ہزار سے زائد زخمی ہوگئے ہیں

پر شائع ہوا

کی طرف سے

غزہ میں گزشتہ 24 گھنٹے کے دوران اسرائیلی حملوں میں 56 فلسطینی شہید
جی این این میڈیا: نمائندہ تصویر

غزہ میں گزشتہ 24 گھنٹے کے دوران اسرائیلی حملوں میں کم ازکم 56 فلسطینی شہید ہوگئے ہیں۔

گزشتہ سال 7 اکتوبر سے غزہ میں جاری اسرائیلی جنگ کے نتیجے میں 37 ہزار سے زائد فلسطینی شہید اور85 ہزار سے زائد زخمی ہوگئے ہیں ۔ 

واضح رہے ک غزہ کی پٹی پر اسرائیل کے حملوں میں شہید ہونے والے فلسطینیوں کی تعداد 37  ہزار 552 ہو گئی۔

پاکستان

توشہ خانہ ریفرنس، چھٹی کے روز بھی نیب کی بانی چیئرمین پی ٹی آئی اور بشریٰ بی بی سے تفتیش

نیب ٹیم تفتیش سے متعلق پیشرفت رپورٹ کل عدالت پیش کرے گی

پر شائع ہوا

ویب ڈیسک

کی طرف سے

توشہ خانہ ریفرنس، چھٹی کے روز بھی نیب کی بانی چیئرمین پی ٹی آئی اور بشریٰ بی بی سے تفتیش

توشہ خانہ کے نئے ریفرنس میں قومی احتساب نیورو (نیب) کی ٹیم نے اڈیالہ جیل راولپنڈی میں پاکستان تحریک انصاف (پی ٹی آئی) کے بانی چیئرمین، سابق وزیر اعظم عمران خان اور سابق خاتون اول بشری بی بی سے آج بھی تفتیش کر رہی ہے۔

نیب کی تفتیشی ٹیم ڈپٹی ڈائریکٹر مستنصر کی سربراہی میں اس وقت اڈیالہ جیل میں موجود ہے، جو عمران خان اور بشریٰ بی بی سے آج بھی تفتیش کررہی ہے۔

جیل ذرائع کے مطابق نیب ٹیم کا اڈیالہ جیل میں بانی پی ٹی آئی اور بشریٰ بی بی سے تفتیش کا ساتواں روز ہے جبکہ نیب ٹیم تفتیش سے متعلق پیشرفت رپورٹ کل عدالت پیش کرے گی۔گزشتہ روز بھی نیب ٹیم نے تقریبا پونے گھنٹہ تک بانی چیئرمین پی ٹی آئی اور بشری بی بی سے تفتیش کی، ٹیم نے ملزمان سے توشہ خانہ تحائف کے حوالے سے تفتیش کی تھی۔

دوران تفتیش عمران خان اور بشریٰ بی بی سے تحفے میں ملنے والی بلگیری جیولری سیٹ سے متعلق بھی سوالات کیے گئے تھے۔نیب نے ملزمان کا احتساب عدالت سے 8 روزہ جسمانی ریمانڈ حاصل کر رکھا ہے، ملزمان کو 22 جولائی کو تفتیشی پیش رفت رپورٹ کے ساتھ دوبارہ عدالت پیش کیا جائے گا۔

یاد رہے کہ 13 جولائی کو عدت نکاح کیس میں بریت کے بعد قومی احتساب بیورو نے توشہ خانہ کے نئے ریفرنس میں عمران خان اور ان کی اہلیہ بشریٰ بی بی کو گرفتار کیا تھا جبکہ ملزمان کا 14 جولائی کو اڈیالہ جیل میں جسمانی ریمانڈ حاصل کیا گیا تھا۔

ڈپٹی ڈائریکٹر محسن ہارون کی سربراہی میں نیب ٹیم نے اڈیالہ جیل میں عمران خان اور بشریٰ بی بی کو گرفتار کیا تھا، نیب کی انکوائری رپورٹ کے مطابق نیا کیس 7 گھڑیوں سمیت 10 قیمتی تحائف خلاف قانون اپنے پاس رکھنے اور بیچنے سے متعلق ہے۔

وفاقی حکومت نے توشہ خانہ کے نئے ریفرنس کے لیے عمران خان اور ان کی اہلیہ کے جیل ٹرائل کا نوٹیفکیشن کیا تھا، نوٹیفکیشن نیب آرڈیننس 1999 کی سیکشن 16 بی کے تحت جاری کیا گیا۔

اس میں بتایا گیا کہ امن امان کی صورت حال کے پیش نظر نیب عدالت اگر ضروری سمجھتی ہے تو عمران خان اور بشریٰ بی بی کا ٹرائل جیل میں کرے۔

جیل ٹرائل نوٹیفکیشن سے متعلق سابق وزیر اعظم اور سابق خاتون اول کے وکلا کو آگاہ کردیا گیا تھا۔

پڑھنا جاری رکھیں

کھیل

ویمنز ایشیا کپ: پاکستان کا آج نیپال سے مقابلہ ہوگا

میچ سری لنکا کے شہر دمبولا میں شام کو 06:30 پر کھیلا جائے گا

پر شائع ہوا

ویب ڈیسک

کی طرف سے

ویمنز ایشیا کپ: پاکستان کا آج نیپال سے مقابلہ ہوگا

سری لنکا:ایشین کرکٹ کونسل (اے سی سی) ویمنز ایشیا کپ میں پاکستان کو بھارت سے شکست کے بعد آج نیپال کا سامنا کرنا ہوگا۔ یہ میچ سری لنکا کے شہر دمبولا میں کھیلا جائے گا۔

آج کے میچوں میں بھارت کا یو اے ای سے مقابلہ جاری ہے،جبکہ 06:30 پر پاکستان کا مقابلہ نیپال سے ہوگا۔

گروپ اے میں بھارت 2 پوائنٹس کے ساتھ سرفہرست ہے جبکہ پاکستان ابھی تک کوئی پوائنٹ حاصل نہیں کر سکا۔ نیپال 1 پوائنٹ کے ساتھ دوسرے اور یو اے ای 0 پوائنٹ کے ساتھ تیسرے نمبر پر ہیں۔

گروپ بی میں تھائی لینڈ 2 پوائنٹس کے ساتھ پہلے اور سری لنکا 2 پوائنٹس کے ساتھ دوسرے نمبر پر ہیں۔

پاکستان کے لیے نیپال کے خلاف میچ ایک چیلنج ہوگا۔ نیپال نے ٹورنامنٹ کا آغاز اچھا کیا ہے اور وہ پاکستان کو شکست دے کر حیران کر سکتا ہے۔ پاکستان کو جیتنے کے لیے اپنے بلے بازوں اور گیند بازوں سے بہتر کارکردگی کا مظاہرہ کرنا ہوگا۔

یاد رہے کہ ٹورنامنٹ کے پہلے میچ میں بھارت نے پاکستان کو 7 وکٹوں سے شکست دے کر اپنے مہم کا آغاز شاندار انداز میں کیا۔ بھارتی بلے بازوں نے شاندار کارکردگی کا مظاہرہ کرتے ہوئے ہدف کو صرف 16.3 اوورز میں حاصل کر لیا۔

دوسرے روز کے دیگر میچوں میں سری لنکا نے بنگلادیش کو 7 وکٹوں سے اور تھائی لینڈ نے ملائشیا کو 22 رنز سے شکست دے کر اپنے گروپ میں اچھی پوزیشن حاصل کر لی۔

پڑھنا جاری رکھیں

پاکستان

پی ٹی آئی کا چیف الیکشن کمشنر اور چاروں ممبران کے خلاف ریفرنس دائر کرنے کا فیصلہ

سپریم جوڈیشل کونسل میں دائر ریفرنس میں چیف الیکشن کمشنر اور چاروں ممبران کو ہٹانے کا مطالبہ کیا جائے گا

پر شائع ہوا

ویب ڈیسک

کی طرف سے

پی ٹی آئی کا چیف الیکشن کمشنر اور چاروں ممبران کے خلاف ریفرنس دائر کرنے کا فیصلہ

پاکستان تحریک انصاف نے چیف الیکشن کمشنر اور چاروں ممبران کے خلاف کل ریفرنس دائر کرنے کا فیصلہ کیا ہے۔

میڈیا رپورٹس کے مطابق بانی چیئرمین پی ٹی آئی عمران خان نے بیرسٹر علی ظفر کو الیکشن کمیشن کے خلاف ریفرنس دائر کرنے کی ذمے داری سونپی ہے جس کے بعد وہ کل یہ ریفرنس دائر کریں گے۔

ذرائع نے بتایا کہ سپریم جوڈیشل کونسل سے چیف الیکشن کمشنر اور چاروں ممبران کو ہٹانے کا مطالبہ کیا جائے گا اور اپنے مطالبے میں حق میں پی ٹی آئی سے اس کا انتخابی نشان بلا چھیننے، لیول پلیئنگ فیلڈ نہ ملنے، عدالت عظمیٰ کے حکم کے باوجود انتخابات مقررہ وقت پر نہ کرائے جانے کو جواز بنایا جائے گا۔

اس ریفرنس میں اسلام آباد کے الیکشن ٹریبونل میں تبدیلی کو بھی جواز بنایا جائے گا جب کہ سپریم کورٹ کے فیصلے کی غلط تشریح کا حوالہ بھی دیا جائے گا۔

ذرائع کے مطابق ریفرنس میں مخصوص نشستوں کے عدالتی فیصلےکے کچھ نکات بھی شامل کیے جائیں گے۔

پڑھنا جاری رکھیں

ٹرینڈنگ

Take a poll