پاکستان
آپریشن ’’عزم استحکام‘‘ کے پیچھے کوئی سیاسی مقاصد نہیں، خواجہ آصف
آپریشن کے حوالے سے پارلیمنٹ میں بحث ہو گی، جے یو آئی ، پی ٹی آئی اور اے این پی کے تحفظات کو دور کیا جائے گا، وزیر دفاع
وزیر دفاع خواجہ آصف نے کہا کہ آپریشن ’’عزم استحکام‘‘ کے پیچھے کوئی سیاسی مقاصد نہیں۔ جن سیاسی جماعتوں کو عزم استحکام آپریشن پر تحفظات ہیں ان کے تحفظات دور کئے جائیں گے۔
ماڈل ٹائون میں پریس کانفرنس کرتے ہوئے کہا کہ نیشنل ایکشن پلان کے تحت ایپکس کمیٹی بنی ہوئی ہے، کمیٹی میں چاروں وزرائے اعلیٰ نے اس پلان کی مخالفت نہیں کی، وزیراعلیٰ خیبرپختونخوا علی امین گنڈا پور نے میٹنگ میں کسی قسم کا کوئی اختلاف نہیں کیا، وزیراعلیٰ کے پی نے دبے الفاظ میں کہا تھا اس ایکشن کو سپورٹ کریں گے۔
انہوں نے کہا کہ ماضی میں دہشتگردی کے خلاف آپریشنز ہوئے، 2016 میں اے پی ایس کا واقعہ ہوا پھر نیشنل ایکشن پلان بنایا گیا، تمام سیاسی جماعتیں آن بورڈ تھیں، سب نے نیشنل ایکشن پلان کو سپورٹ کیا، آپریشن عزم استحکام بھی نیشنل ایکشن پلان کا ہی تسلسل ہے۔
خواجہ آصف کا کہنا تھا کہ ماضی اور آج کی صورتحال میں بنیادی فرق ہے، آج فاٹا کا انضمام ہوچکا ہے، ماضی میں ان علاقوں پر دہشتگردوں کا قبضہ ہوچکا تھا، پورے پورے علاقے دن رات کیلئے نوگوایریاز بن چکے تھے، آج ویسی صورتحال نہیں ہے، آج تمام علاقوں پر ریاست کی رٹ موجود ہے۔
انہوں نے کہا کہ عزم استحکام آپریشن کا دوسرے آپریشنز سے موازنہ نہ کیا جائے۔آپریشن کے حوالے سے پارلیمنٹ میں بحث ہو گی۔جے یو آئی ، پی ٹی آئی اور اے این پی سمیت دیگر سیاسی جماعتوں کے تحفظات کو دور کیا جائے گا۔
وزیر دفاع نے کہا کہ اس آپریشن کے پیچھے کسی کے سیاسی مقاصد نہیں، ہم صرف دہشتگردی کو ختم کرنا چاہتے ہیں، میڈیا کو بھی چاہیے اس آپریشن کو سپورٹ کرے، آپریشن عزم استحکام خاص طور پر خیبرپختونخوا اور بلوچستان میں ہو گا، یہ کوئی سیاسی جدوجہد نہیں،قومی سلامتی کی جدوجہد ہے۔
تجارت
یکم جولائی سے پٹرولیم مصنوعات کی قیمتوں میں اضافے کا امکان
فنانس بل 2024 میں ترمیم کے بعد پٹرولیم مصنوعات پر لیوی 10 روپے بڑھانے کا فیصلہ
یکم جولائی سے پٹرولیم مصنوعات کی قمیتوں میں اضافے کا امکان ، فنانس بل 2024 میں ترمیم کے بعد پٹرولیم مصنوعات پر لیوی 10 روپے بڑھانے کا فیصلہ کیا گیا۔
پٹرولیم مصنوعات پر پہلے سے عائد لیوی 60 روپے فی لیٹر ہے۔ ترمیمی فنانس بل 2024 میں پٹرولیم اور ڈیزل پر لیوی 60 روپے سے بڑھا کر 70 روپے کرنے کی تجویز دی گئی۔
ہائی آکٹین پر 70 روپے فی لیٹر، لائٹ ڈیزل اور مٹی کے تیل پر 50 روپے فی لیٹر، جبکہ ایک ٹن گیسولین پر 50 روپے لیوی عائد کرنے کی تجویز دی گئی۔
حالیہ جاری ترمیم شدہ اعداد و شمار کے بعد آئندہ دنوں میں پٹرول کی قیمت میں 7.54 روپے کے اضافے کا امکان ہے۔
قومی اسمبلی نے 16 ہزار 887 ارب روپے کا وفاقی بجٹ منظور کر لیا، فنانس بل کی شق وار منظوری دی گئی جب کہ اپوزیشن نے بجٹ منظوری کے دوران ایوان سے واک آؤٹ کیا۔
قومی اسمبلی کے بجٹ اجلاس میں فنانس بل کی شق وار منظوری کے عمل کے دوران وزیراعظم شہباز شریف، چیئرمین پیپلزپارٹی بلاول بھٹو زرداری اور آصفہ بھٹو زرداری بھی اجلاس میں شریک رہے۔ اپوزیشن نے بجٹ کو آئی ایم ایف کا تیار کردہ اور عوام دشمن قرار دیتے ہوئے مخالفت کی۔
پیٹرولیم ڈویلپمنٹ لیوی میں کمی کے لیے پیپلزپارٹی نے ترامیم واپس لے لیں جبکہ اپوزیشن کی ترامیم ایوان نے مسترد کر دیں جس پر اپوزیشن نے رائے شماری کرانے کا مطالبہ کیا۔ اس دوران 170 ارکان اسمبلی نے پیٹرولیم ڈویلپمنٹ لیوی میں کمی کے خلاف ووٹ دے دیا جبکہ 84 ارکان نے لیوی میں کمی کی حمایت کی۔
اس طرح پیٹرولیم لیوی میں کمی کی اپوزیشن کی ترامیم کثرت رائے سے مسترد کر دی گئیں تاہم وزیر خزانہ نے خود ہی پیٹرولیم لیوی میں کمی کا اعلان کر دیا۔
پی ٹی آئی کے چیئرمین بیرسٹر گوہر اور سابق اسپیکر قومی اسمبلی اسد قیصر نے خیبر پختونخوا کو کم منصوبے دینے اور فنڈز روکنے کا معاملہ اٹھایا جس پر وزیراعظم شہباز شریف نے خود وضاحت کر دی۔
سنی اتحاد کونسل کے رکن جنید اکبر خان نے کہاکہ وزیر اعظم شہباز شریف کہتے ہیں بانی پی ٹی آئی کی طرح میں بھی جیل میں تھا، ہماری حکومت آئی تو آپ کو بتائیں گے جیل کیا ہوتی ہے۔ آپ نے جو ہماری خواتین کے ساتھ کیا سود سمیت واپس کریں گے۔
پاکستان
فیصل واوڈا کی عدالت عظمی ٰ سے انوکھی معافی
فیصل واوڈا نے کیس کی سماعت شروع ہوتے ہی عدالت سے غیر مشروط معافی مانگ لی جس کے باعث عدالت نے انہیں معاف کردیا
اسلام آباد : سینیٹر فیصل واؤڈا سپریم کورٹ آف پاکستان کے احاطے میں میڈیا ٹاک سے پہلے سجدہ ریز ہو گئے ۔
تفصیلات کے مطابق سینیٹر فیصل واؤڈا اپنے خلاف توہینِ عدالت کا نوٹس واپس ہونے پر سجدۂ شکر بجا لائے۔
فیصل واؤڈا سپریم کورٹ سے نکلتے ہی سپریم کورٹ کے احاطے میں سجدہ ریز ہو گئے۔
فیصل واوڈا نے کیس کی سماعت شروع ہوتے ہی عدالت سے غیر مشروط معافی مانگ لی جس کے باعث عدالت نے انہیں معاف کردیا ۔
عدالتِ عظمیٰ نے فیصل واؤڈا اور مصطفیٰ کمال کے خلاف توہینِ عدالت کا نوٹس بھی واپس لے لیا ہے۔
-
تجارت 2 دن پہلے
سونے کی فی تولہ قیمت میں مسلسل دوسرے روز بھی کمی
-
پاکستان 22 گھنٹے پہلے
عمرا یوب نے پی ٹی آئی کے سیکرٹری جنرل کے عہدے سے استعفی دے دیا
-
دنیا 2 دن پہلے
کینیڈا کے وزیراعظم جسٹن ٹروڈو کو ضمنی الیکشن میں بڑا دھچکا
-
پاکستان ایک دن پہلے
سابق پی ٹی آئی رہنما فواد چودھری کی موجودہ پی ٹی آئی قیادت پر کڑی تنقید
-
تجارت ایک دن پہلے
پٹرولیم مصنوعات کی قیمتوں میں اضافے کا امکان
-
دنیا ایک دن پہلے
بولیویا میں فوجی بغاوت ناکام، جنرل گرفتار
-
پاکستان 3 گھنٹے پہلے
اپنی مرضی سے استعفیٰ دیا ، واپس نہیں لوں گا ، عمر ایوب
-
دنیا 2 دن پہلے
وکی لیکس کے بانی جولین اسانج کی امریکہ داخلہ پر پابندی