مریم نواز کا بند روڈ پراجیکٹ کی جلد تکمیل کا حکم، جولائی کی ڈیڈ لائن

وزیراعلیٰ پنجاب مریم نواز نے بند روڈ پراجیکٹ کی جلد تکمیل کا حکم دیتے ہوئے جولائی کی ڈیڈ لائن دیدی۔

وزیراعلی مریم نواز نے کنٹرولڈ ایکسیس کوریڈور بند روڈ منصوبے کا دورہ کیا اور سگیاں انٹرچینج سے بابو صابو تک سروس روڈز کا خود جائزہ لیا، انہوں نے ایلیویٹڈ بند روڈ کا بھی معائنہ کیا۔

ڈی جی ایل ڈی اے طاہر فاروق اور چیف انجینئر اسرار سعید نے بریفنگ دیتے ہوئے بتایا کہ پراجیکٹ کے پیکیج ٹو کے ہائی رائزڈ ایریا کو ٹریفک کے لیے مکمل طور پر کھولا جا رہا ہے۔

وزیراعلیٰ پنجاب مریم نواز کا کہنا تھا کہ کنٹرولڈ ایکسیس کوریڈور بند روڈ کے ساتھ ساتھ سروس روڈز کی وجہ سے عوام کو درپیش مسائل کا فوری تدارک بھی ضروری ہے۔

دوسری جانب وزیر اعلی پنجاب مریم نواز شریف نے چلڈرن لائبریری کمپلیکس کا اچانک دورہ کیا ۔

وزیراعلیٰ مریم نواز چلڈرن لائبریری کمپلیکس اچانک پہنچیں جہاں خالی کمرے لائبری آڈیٹوریم کی لائٹ اور اے سی چل رہے تھے ۔ مریم نواز نے سرکاری وسائل کا ضیاع پر شدید برہمی کا اظہار کیا چلڈرن لائبری کمپلیکس کے بارے میں رپورٹ مانگ لی ۔

مریم نواز نے چلڈرن لائبریری کمپلیکس کو باقاعدہ فعال کرنے کے لئے فوری پلان تیار کرنے کا حکم دیا، انہوں نے لائبریری کمپلیکس کی مرکزی عمارت کے مختلف شعبوں کا جائزہ لیا۔

اس موقع پر سینئر صوبائی وزیر مریم اونگریب،صوبائی وزیر اطلاعات عظمی بخاری،صوبائی وزیر تعلیم رانا سکندر حیات،نوشین عدنان، سیکرٹری ایجوکیشن ڈاکٹر احتشام انورودیگر حکام بھی موجود تھے۔

یاد رہے کہ نواز شریف نے 1988 میں چلڈرن لائبریری کا افتتاح کیا تھا۔