پنجاب فنانس بجٹ 24-25 کثرت رائے سے منظور

پنجاب حکومت کا مالی سال 24-25 کے لیے پیش کیا گیا فنانس بل ایوان میں کثرت رائے سے منظور کر لیا گیا۔ 
پنجاب کے وزیرخزانہ مجتبیٰ شجاع الرحمن نے صوبائی اسمبلی میں صوبہ پنجاب کا فنانس بل پیش کیا، جس پر بحث و مباحثہ کے بعد بل کی منظوری دے دی گئی۔ 
پنجاب اسمبلی کے اجلاس کے دوران اپوزیشن کی جانب سے بجلی کے بلوں میں اضافے کا معاملہ بھی زیر بحث لایا گیا، جس میں 200 یونٹ پر 3000 روپے بل، جبکہ  201 یونٹ پر  8000 سے زائد بل پر تنقید کی گئی۔ 
اسپیکرپنجاب اسمبلی نے بجلی کے بلوں کے معاملے پر اپوزیشن کو اسمبلی میں باقاعدہ قرارداد پیش کرنے کی ہدایت کی۔ 
اسپیکرپنجاب اسمبلی  کی جانب سے بجٹ اجلاس کا ایجنڈا مکمل ہونے پر پنجاب اسمبلی کا اجلاس کل دوپہر 2 بجے تک ملتوی کر دیا۔