صوبائی وزیر صنعت و تجارت چوہدری شافع حسین نے بجلی کی قیمتوں میں کمی کا حل بتا دیا۔

چوہدری شافع حسین کا کہنا ہے کہ بجلی کی قیمتوں میں کمی کا واحد حل سولر انرجی ہے۔

لاہور کے نجی کالج میں تقریب میں شرکت کے موقع پر گفتگو کرتے ہوئے چوہدری شافع نے کہا کہ کاٹن بیج پر عائد پابندی ہٹانے اور ٹیکسز میں کمی کے لیے وفاقی حکومت سے مطالبہ کریں گے، جلد گارمنٹس سٹی بنانے جا رہے ہیں، بجلی کی قیمتوں میں کمی کا واحد حل سولر انرجی ہے۔

انہوں نے کہا کہ الیکشن کے معاملات ہر ملک کو خود ہی کنٹرول کرنے چاہئیں، ہر کوئی ذمے داری سے کام کرے تو ہمیں آئی ایم ایف کے قرضے کی ضرورت ہی نہیں۔

لاہور سمیت پنجاب کے مختلف شہروں میں علی الصبح بارش سے موسم خوشگوار ہو گیا۔

صوبائی دارالحکومت لاہور میں علی الصبح ہونے والے بارش کے باعث نشیبی علاقے زیر آب آگئے جس کی وجہ سے شہریوں کو مشکلات کا سامنا کرنا پڑا، بارش کے باعث کئی فیڈر ز ٹرپ کرنے سے متعدد علاقوں کی بجلی بند ہو گئی۔

لاہور کے علاقے مال روڈ، ڈیوس روڈ، گڑھی شاہو، شالیمار، باغبانپور، گلبرگ، ماڈل ٹائون، اقبال ٹائون، سمن آباد سمیت مختلف علاقوں میں تیز ہوا کے ساتھ ہونیوالے بارش سے گرمی کا زور ٹوٹ گیا۔

لاہور کے علاوہ پنجاب کے دیگر شہروں گوجرانوالہ، گجرات، مرید کے، کامونکی، شرقپور، اٹک اور حافظ آباد میں بھی خوب بارش برسی۔ بارش سے گرمی میں کمی کے باعث شہریوں کے چہرے کھل اٹھے۔

ریاض: سعودی عرب نے پاکستانی شہریوں کے لیے سیاحتی ویزا میں  آسانیاں پیدا کر دی ہیں، جس سے درخواست دہندگان کو ایک بینک سٹیٹمنٹ جمع کرانے کی اجازت دی گئی ہے جس میں کم از کم ماہانہ 750 ڈالرجمع ہوں ، یہ  جو فوری طور پر نافذ العمل ہے۔

سعودی حکومت کا کہنا ہے کہ 2023 میں سعودی عرب آنے والے پاکستانی سیاحوں کی تعداد میں پچھلے سال کے مقابلے میں 43 فیصد اضافہ ہوا ہے۔

بیان میں یہ بھی انکشاف کیا گیا کہ سعودی عرب 2024 میں 27 لاکھ پاکستانیوں کو خوش آمدید کہتا ہے ۔

 سعودی عرب نے پشاور، کوئٹہ، لاہور، کراچی، اسلام آباد اور ملتان میں واقع چھ  دفاتر کے ذریعے پاکستانی مسافروں کے لیے ویزا درخواست کے عمل کوآسان بنایا ہے ۔ 

واضح رہے کہ  سعودی عرب نے سعودیہ اور فلائناس کے راستے آنے والے مسافروں کے لیے ٹرانزٹ ویزا متعارف کرایا، جس سے وہ 96 گھنٹے تک ملک کی سیر کر سکتے ہیں۔

گزشتہ سال سعودی عرب نے پاکستانی مسافروں کے لیے ایک سال کا ملٹی پل انٹری ویزا متعارف کرایا تھا۔