پیٹرولیم مصنوعات کی قیمتوں میں اضافے کے خلاف درخواست دائر

پیٹرولیم مصنوعات کی قیمتوں میں حالیہ اضافے کے خلاف لاہورہائیکورٹ میں متفرق درخواست دائرکردی ۔

لاہور ہائیکورٹ میں جوڈیشل ایکٹوزم پینل کی جانب سے دائر درخواست میں وفاقی حکومت اور اوگرا سمیت دیگرکو فریق بنایا گیا ہےدرخواست گزار نے موقف اپنایا کہ پیٹرولیم مصنوعات کی قیمتوں میں حالیہ اضافے سے مہنگائی میں اضافہ ہوگا ۔ 

درخواست گزار نے موقف اپنایا کہ عالمی سطح پرقیمتوں میں اضافہ نہیں ہوالیکن حکومت نے پیٹرول کی قیمتوں میں اضافہ کردیا۔

درخواست گزار نے استدعا کی عدالت عالیہ پٹرولیم مصنوعات کی قیمتوں میں حالیہ اضافے کو کالعدم قراردے۔