پیٹرولیم مصنوعات کے بعد ایل پی جی کی قیمت میں بھی اضافہ

پیٹرولیم مصنوعات کے بعد ایل پی جی کی قمیت میں بھی اضافہ کر دیا گیا، ماہ جولائی کیلئے ایل پی جی کی فی کلو قیمت میں 1 روپے 43 پیسے کا اضافہ کر دیا گیا ۔

اوگرا کے جاری کردہ نوٹیفکیشن کے مطابق ایل پی جی کے 11.8 کلو گرام کے گھریلو سلنڈر کی قیمت میں 1 روپے  43 پیسے اضافہ ہوا۔

ایل پی جی کے 11.8 کلو گرام کے گھریلو سلنڈر کی نئی قیمت 2769 روپے 66 پیسے مقرر کر دی گئی، قیمتوں کا تعین جولائی کے لیے کیا گیا۔

 خیال رہے کہ جون میں ایل پی جی کے 11.8 کلو گرام کے گھریلو سلنڈر کی قیمت 2768 روپے 63 پیسے تھی۔