وزیراعظم شہباز شریف نے وطن واپسی پر آل پارٹیز کانفرنس (اے پی سی) بلانے کا فیصلہ کرلیا ،تمام سیاسی جماعتوں کو آپریشن عزم استحکام پر اعتماد میں لیں گے۔ 

میڈیا رپورٹس کے مطابق  وزیراعظم بیرون ملک دورے سے واپسی پر سیاسی جماعتوں سے مشاورت کریں گے اور مشاورت کے بعد آل پارٹیز کانفرنس کی تاریخ کا اعلان کیا جائے گا۔

خیال رہے کہ گزشتہ دنوں وزیراعظم شہباز شریف کی زیر صدارت نیشنل ایکشن پلان کی ایپکس کمیٹی کا اجلاس ہوا جس میں انسداد دہشتگردی کے لیے آپریشن عزم استحکام کی منظوری دی گئی تھی۔

نیشنل ایکشن پلان سے متعلق ایپکس کمیٹی کے اجلاس میں آرمی چیف جنرل عاصم منیر، وفاقی وزرا اور چاروں صوبوں کے وزرائے اعلیٰ بھی شریک تھے۔

پاکستان تحریک انصاف نے آپریشن عزم استحکام کی مخالفت کی ہے اور ایوان سے منظور کرانے کا مطالبہ کیا ہے جبکہ جمعیت علمائے اسلام نے بھی آپریشن کی مخالفت کی۔

بعدازاں وزیراعظم آفس نے عزم استحکام آپریشن کے حوالے سے وضاحت کی کہ بڑے پیمانے پر کسی فوجی آپریشن پرغور نہیں کیا جا رہا ہے جہاں آبادی کی نقل مکانی کی ضرورت ہوگی اور عزمِ استحکام کا مقصد پہلے سے جاری انٹیلی جنس کی بنیاد پر مسلح کارروائیوں کو مزید متحرک کرنا ہے۔

پاکستان کرکٹ بورڈ نے قومی کرکٹ کی بہتری سے متعلق بڑا فیصلہ کرتے ہوئے سابق اسٹار کرکٹرز کو ٹیم کا مینٹور بنانے کا فیصلہ کرلیا۔

رپورٹ کے مطابق پی سی بی نے سابق کھلاڑیوں میں شعیب اختر، شعیب ملک، وقار یونس اور معین خان سے رابطہ کیا ہے۔

اس کے علاوہ پی سی بی نے ثقلین مشتاق، یونس خان، کامران اکمل سمیت دیگر کھلاڑیوں سے بھی رابطہ کیا ہے۔

رپورٹ میں کہا گیا کہ پی سی بی کی سابق کرکٹرز سے کھیل کی بہتری کیلئے مشاورت جاری ہے، پی سی بی پانچ سابق کھلاڑیوں کو مینٹور بناسکتا ہے۔

مینٹور کا فیصلہ چئیرمین پی سی بی بورڈ آف گورنرز سے مشاورت کے بعد کرینگے۔

حزب اللہ مزاحمتی تحریک نے بدھ کے روز غاصب اسرائیلی حکومت کے فوجی اڈوں پر 200 کے قریب میزائل داغے ہیں۔

 خبررساں ایجنسی کی رپورٹ کے مطابق، حزب اللہ کی طرف سے بدھ کو جاری کردہ ایک بیان میں کہا گیا ہے کہ تنظیم کے مجاہدین نے گولان ڈویژن 210 کے ہیڈ کوارٹر کے ساتھ ساتھ م فضائی اور میزائل دفاع کے ہیڈکوارٹر پر 200 کاتیوشا میزائل فائر کیے ہیں۔

بیان میں مزید کہا گیا ہے کہ "غزہ کے ثابت قدم لوگوں کی حمایت اور بہادر اور عظیم مزاحمت کی مدد کے سلسلے میں اور شہر طائر کے علاقے الحوش میں صہیونی دہشت گردی کے جواب میں آج بدھ 3 جولائی 2024 کو مزاحمت کے جنگجوؤں نے کریات شمونہ بیرک میں 769ویں بریگیڈ کے کمانڈ ہیڈ کوارٹر کو فلق میزائلوں سے نشانہ بنایا۔

یہ حملہ جنوبی لبنان کے علاقے ثائر میں نسل پرست اسرائیل کے ہاتھوں حزب اللہ کے کمانڈر محمد نہمہ ناصر کی شہادت پر حزب اللہ کا جوابی ردعمل تھا۔