وزیراعظم شہباز شریف اور روس کے صدر پیوٹن کی ملاقات

قازقستان کے دارالحکومت میں وزیراعظم شہباز شریف اور روس کے صدر ولادیمیر پیوٹن کے درمیان ملاقات ہوئی جہاں دونوں رہنمائوں میں دو طرفہ تعلقات سمیت اہم امور پر تبادلہ خیال کیا۔

وزیراعظم شہباز شریف سے روس کے صدر ولادیمیر پیوٹن کو دوبارہ صدر منتخب ہونے پر مبادکبارد پیش کرتے ہوئے نیک تمنائوں کا اظہار کیا۔

شہباز شریف نے پیوٹن سے گفتگو کرتے ہوئے کہا کہ پاکستان اور روس عرصہ دراز سے دوست ملک ہیں اور دونوں ممالک کے درمیان دیرینہ تعلقات ہیں،ہمیں مستقبل میں تعلقات کو اور مضبوط کرنا ہو گا۔

انہوں نے کہا کہ پاکستان اور روس تعلقات کسی اور ملک سے تعلق یا جیو پولیٹیکل صورتحال سے متاثر نہیں ہوں گے۔

وزیراعظم نے گفتگو کرتے ہوئے مزید کہا کہ روس کے ساتھ تجارت کو ایک ارب ڈالر تک لے جانا چاہتے ہیں۔

یاد رہے کہ وزیراعظم وزیر اعظم شہباز شریف شنگھائی تعاون تنظیم کونسل آف ہیڈز آف اسٹیٹ کے اجلاس میں کےلئے قازقستان میں موجود ہیں جہاں وزیراعظم شہباز شریف سے دیگر رہنمائوں کی ملاقات بھی متوقع تھی۔