جوبائیڈن کے صدارتی الیکشن سے دستبردار "ایبسلوٹلی ناٹ"

ابسولیوٹلی ناٹ، جوبائیڈن صدارت کی دوڑ سے پیچھے نہیں ہٹیں گے۔

وائٹ ہاؤس کی ترجمان کیرین جین پیئر نے جوبائیڈن کے صدارتی الیکشن سے دستبردار ہونے کے تاثر کو یکسر مسترد کرتے ہوئے کہا کہ صدر جوبائیڈن حکمران جماعت ڈیموکریٹک کے امیدوار کی حیثیت سے دستبرداری کا کوئی ارادہ نہیں رکھتے۔ وائٹ ہائوس کی جانب سے الیکشن مہم کے حوالے سے وضاحت بھی جاری کر دی گئی ہے۔

تفصیلات کے مطابق وائٹ ہائوس کی پریس سیکرٹری چیریئن جن پیری کی جانب سے رد عمل دیتے ہوئے کہا کہ صدر جوبائیڈن حکمران جماعت ڈیموکریٹک کے امیدوار کی حیثیت سے دستبرداری کا کوئی ارادہ نہیں رکھتے۔  یہ رد عمل اس وقت سامنے آیا ہے جب جوبائیڈن سے متعلق افوا پھیلائی جا رہی تھی کہ جوبائیڈن ٹرمپ کے مقابلے میں کمزور اور ناکام مہم سےدستبردار ہو رہے ہیں۔

وائٹ ہائوس کی ترجمان کے مطابق  امریکی صدارتی الیکشن 2024 میں جوئیڈن الیکشن مہم کو نہیں چھوڑ رہے ہیں۔ انہی قیاس آرائیوں پر امریکی صدر کی جانب سے انتخابی مہم کے تین ممبران کو اعتماد میں لیتے ہوئے کہنا تھا کہ وہ کہیں نہیں جا رہے۔

واضح رہے کہ 27 جون  کو اٹلانٹا میں سابق امریکی صدر اور ریپبلکن امیدوار ڈونلڈ ٹرمپ اور ڈیموکریٹک امیدوار جوبائیڈن کے درمیان مباحثہ ہوا تھا۔ جس میں ڈونلڈ ٹرمپ نے جوبائیڈن کو چپ کروا دیا تھا۔