پاکستان
گھریلو صارفین کیلئے بجلی کا فی یونٹ بنیادی ٹیرف 48 روپے 84 پیسے تک مقرر
کابینہ کی جانب سے فی یونٹ بنیادی ٹیرف میں 3 روپے 95 پیسے سے 7 روپے 12 پیسے تک اضافہ منظور کیاگیا
![گھریلو صارفین کیلئے بجلی کا فی یونٹ بنیادی ٹیرف 48 روپے 84 پیسے تک مقرر](/media/110645/conversions/Capture-1280x720.jpg)
وفاقی حکومت کے بجلی کے گھریلوصارفین کیلئے تجویز کردہ مختلف سلیبز پراضافے کی تفصیلات سامنے آگئیں۔
دستاویز کے مطابق وفاقی کابینہ نے گھریلو صارفین کیلئے بجلی کا فی یونٹ بنیادی ٹیرف 48 روپے 84 پیسے تک مقرر کردیا۔ فی یونٹ بنیادی ٹیرف میں 3 روپے 95 پیسے سے 7 روپے 12 پیسے تک اضافہ منظور کیاگیا، نان پروٹیکٹڈ گھریلو صارفین کیلئے ایک سے 100 یونٹ استعمال پر ٹیرف7.11 روپے اضافے سے 23.59 روپے جبکہ ماہانہ101سے 200 یونٹ پر استعمال پر فی یونٹ 7.12 روپے اضافے سے30.07 روپے ہوگیا۔
دستاویز میں کہا گیا ہے کہ ماہانہ 201 سے 300 یونٹ تک کا بجلی ٹیرف 7.12 روپے اضافے سے 34.26 روپے اور ماہانہ301 سے400یونٹ پر ٹیرف7.02 روپے اضافے سے فی یونٹ ٹیرف 39.15روپے مقرر کیا گیا ہے۔
اسی طرح ماہانہ401 سے500 یونٹ 6.12 روپے اضافے سے 41.36 روپے فی یونٹ، ماہانہ 501 سے 600 یونٹ استعمال پر ٹیرف6.12 روپے اضافے سے 42.78 روپے جبکہ ماہانہ601 سے 700 یونٹ پربجلی ٹیرف 6.12 روپے اضافے سے 43.92 روپے فی یونٹ اور ماہانہ700 یونٹ سےزیادہ کا ٹیرف6.12 روپےاضافے سے 48.84 روپے ہوگا۔
دستاویز کے مطابق ماہانہ 50 یونٹ تک لائف لائن صارفین کیلئے فی یونٹ 3.95، ماہانہ 51 سے 100 یونٹ تک لائف لائن صارفین کیلئے فی یونٹ7.74 روپے برقرار رکھنے کی تجویز ہے۔ 1 سے 100 یونٹ تک پروٹیکٹڈ صارفین کا ٹیرف 3.95 روپے اضافے سے11.69 روپےفی یونٹ مقررکرنے کی تجویز ہے جبکہ ماہانہ 101سے 200 یونٹ استعمال پر پروٹیکٹڈ صارفین کا ٹیرف 4.10 روپے اضافے سے 14.16 روپے فی یونٹ ہوگا۔
علاقائی
مریم نواز نے ممکنہ بارشوں کے پیش نظر انتظامیہ کو ہائی الرٹ کر دیا
وزیراعلیٰ مریم نواز نے اربن فلڈنگ کے پیش نظرحفاظتی اور ضروری انتظامات کے لیے کمشنرز، ڈپٹی کمشنرز، اور واسا کو متحرک رہنے کا حکم دے دیا
![مریم نواز نے ممکنہ بارشوں کے پیش نظر انتظامیہ کو ہائی الرٹ کر دیا](/media/110869/conversions/MaryamNawaz-1280x720.jpg)
وزیر اعلیٰ پنجاب مریم نواز نے ممکنہ بارشوں کے پیش نظر انتظامیہ کو ہائی الرٹ کر دیا۔
وزیراعلیٰ مریم نواز نے اربن فلڈنگ کے مواقع پر حفاظتی اور ضروری انتظامات کے لیے کمشنرز، ڈپٹی کمشنرز، اور واسا کو متحرک رہنے کا حکم دیا گیا۔
وزیراعلیٰ نے لاہور میں بارش کے پانی کے بروقت نکاس کی کوششوں کو تعریف کی اور انتظامیہ اور واسا کو بارشوں کے پانی کے نکاس کے لیے فیلڈ میں موجود رہنے کی ہدایت دی۔
مریم نواز نے زیر صدارت اجلاس میں ہدایت کی کہ پی ڈی ایم اے کے ایس او پیز پر عملدرآمد اور شہریوں کی جان و مال کی حفاظت ہر صورت یقینی بنائی جائے گی۔
وزیر اعلیٰ نے بتایا کہ شہریوں کی حفاظت حکومت کی ذمہ داری ہے، اسے ہر صورت یقینی بنایا جائے گا، نشیبی علاقوں کے عوام کی جان ومال کی حفاظت کو یقینی بنایا جائے گا، دیہی علاقوں میں پیشگی مال مویشیوں کی حفاظت کے لیے اقدامات بھی کیے جائیں۔
مریم نواز نے حکم دیا کہ سیلابی صورتحال میں متاثرین کو بروقت امداد اور ریلیف کی فراہمی یقینی بنائی جائے، ارکان اسمبلی ممکنہ سیلابی صورتحال میں ریسکیو اور ریلیف کے کاموں کی مؤثر نگرانی کریں، کرنٹ لگنے کے حادثات سے بچاؤ کے لیے آگاہی پھیلائی جائے۔
انہوں نے کہا کہ شہریوں سے اپیل ہے کہ چھوٹے بچوں کو ننگی تاروں اور کھمبوں کے قریب نہ جانے دیں اور ایمرجنسی کی صورت میں ریسکیو اور ریلیف سرگرمیاں بروقت شروع کی جائیں۔
پاکستان
وزیر اعظم ایک روزہ دورے پر کراچی پہنچ گئے
دورے میں وہ کراچی بندرگاہ کے معمولات کا جائزہ لیں گے اور ان میں بہتری کیلئے اہم فیصلے کریں گے
![وزیر اعظم ایک روزہ دورے پر کراچی پہنچ گئے](/media/110889/conversions/317818_5758254_updates-1280x720.jpg)
وزیراعظم محمد شہبازشریف ایک روزہ دورے پر کراچی پہنچ گئے ۔
دورے میں وہ کراچی بندرگاہ کے معمولات کا جائزہ لیں گے اور ان میں بہتری کیلئے اہم فیصلے کریں گے۔
وزیراعظم کو کراچی پورٹ ٹرسٹ ، پورٹ قاسم اتھارٹی اور پاکستان نیشنل شپنگ کارپوریشن کے بارے میں بریفنگ دی جائے گی ، ان کی درآمدات اوربرآمدات کے شعبوں سے وابستہ کاروباری افراد کے وفود سے ملاقات بھی متوقع ہے ۔
دورے کے موقع پر وزیراعظم قومی آمدن اور تاجربرادری کیلئے سہولتوں میں اضافے، درآمدی اوربرآمدی شعبے کیلئے اصلاحات پربریفنگ لیں گے۔
اس سلسلے میں اہم فیصلے کئے جائیں گے ، ذرائع کےمطابق وزیراعظم شہباز شریف کے دورے میں وزیر اعلیٰسندھ مراد علی شاہ اور گورنر سندھ کامران ٹیسوری سے ملاقاتیں ہوں گی۔
واضح رہے کہ وزیر اعظم کی تاجر برداری سے بھی ملاقات کا امکان ہے۔شہباز شریف کراچی پورٹ کا دورہ کرتے ہوئے بندرگاہ کے آپریشنز کا جائزہ لیں گے۔
جرم
لاہور:گھریلو ملازمہ کو برہنہ کرکے بیہمانہ تشدد ، ناک اور بازو کی ہڈیاں فریکچر
ڈی آئی جی آپریشن نے واقعے کا نوٹس لیتے ہوئے ایس پی سے رپورٹ طلب کر لی اور ملزمان کی گرفتاری کے احکامات جاری کر دیے
![لاہور:گھریلو ملازمہ کو برہنہ کرکے بیہمانہ تشدد ، ناک اور بازو کی ہڈیاں فریکچر](/media/110899/conversions/ملازمہ--1280x720.jpg)
لاہور: لاہور میں ڈیفنس کے علاقے میں ایک 13 سالہ کمسن گھریلو ملازمہ کو گھر کے مالکان نے بدترین تشدد کا نشانہ بنا ڈالا۔
تفصیلات کے مطابق کمسن گھریلو ملازمہ کی والدہ کی مدعیت میں ایک مقدمہ درج کیا گیا، جس میں ملازمہ نے بتایا کہ مالکان نے ملازمہ کو برہنہ کیا اور پھر ڈنڈے اور لوہے کے راڈوں کے ساتھ ملازمہ کو تشدد کا نشانہ بناتے رہے۔
مالکان کو شبہ تھا کہ ملازمہ گھر کے قیمتی سامان کی چوری میں ملوث ہے، جس کے پیش نظر انہوں نے ملازمہ سے تفتیش شروع کر دی۔
میاں بیوی کے ملازمہ پر بدترین تشدد سے کمسن ملازمہ کے ہاتھ اور ناک کی ہڈیاں ٹوٹ گئیں۔
لاہور: ڈیفنس گھریلو ملازمہ پر تشدد کا ایک اور واقعہ سامنے آگیا#GNN #BreakingNews #NewsUpdates #GNN_Updates pic.twitter.com/YlKuHYBqUp
— GNN (@gnnhdofficial) July 7, 2024
ڈی آئی جی آپریشن نے واقعے کا نوٹس لیتے ہوئے ایس پی سے رپورٹ طلب کر لی اور ملزمان کی گرفتاری کے احکامات جاری کر دیے۔
پولیس کے مطابق ملزم حسام کو گرفتار کر لیا گیا، جبکہ ملزمہ کی گرفتاری کے لیے چھاپے مارے جا رہے ہیں۔
-
پاکستان 19 گھنٹے پہلے
پی ٹی آئی کا جلسہ منسوخ ہونے کی وجوہات سامنے آگئیں
-
تجارت ایک دن پہلے
فلور ملز ایسوسی ایشن نے ملک گیر احتجاج کا اعلان کردیا
-
تجارت ایک دن پہلے
پیٹرولیم ڈیلرز ایسوسی ایشن نے پڑتال مؤخر کرنے کا اعلان کردیا
-
پاکستان ایک گھنٹہ پہلے
جنوبی پنجاب اور بلوچستان میں گرج چمک کے ساتھ بارش کا امکان
-
علاقائی 2 دن پہلے
پنجاب حکومت کی محرم میں سوشل میڈیا پر پابندی لگانے کی تیاری
-
پاکستان 2 دن پہلے
پی ڈی ایم اے نے پنجاب میں بارشوں کی پیش گوئی کردی
-
تجارت ایک دن پہلے
سونے کی قیمت میں مسلسل اضافے کا رجحان جاری
-
جرم ایک دن پہلے
راولا کوٹ جیل سے فرار ہونے والے 4 قیدی گرفتار