معروف کینیڈین سنگر جسٹن بیبر کا شادی فرمامنس کیلئے مکیش امبانی سے ایک کروڑ ڈالر کا مطالبہ

معروف کینیڈین سنگر جسٹن بیبر کا بھارت میں پرفارمنس کے لیے بھارتی بزنس مین مکیش امبانی سے ایک کروڑ ڈالر کا مطالبہ کردیا ۔ 

معروف کینیڈین سنگر جسٹن بیبر نے اپنی پرفارمنس کے معاوضے کی دوڑ میں سب سے مہنگی امریکی گلوکارہ ریانا کو بھی پیچھے چھوڑ دیا۔  
معروف کینیڈین سنگر جسٹن بیبر بھارتی بزنس مین مکیش امبانی کے بیٹے کی شادی کی تقریبات میں شرکت کے لیے بھارت پہنچ گئے، جہاں انہیں آننت امبانی اور رادھیکا کی شادی کی تقریبات میں پرفارم کرنے کے لیے بلایا گیا تھا۔  ممبئی میں امبانی خاندان کی رہائش گاہ اینٹیلیا میں جاری آننت امبانی اور رادھیکا کی پری ویڈنگ تقریبات میں کئی بین الاقوامی اہمیت کی حامل شخصیات کی آمد متوقع ہے۔ 
ذرائع کے مطابق معروف سنگر جسٹن بیبر لگ بھگ ایک کروڑ ڈالر کے عوض مکیش امبانی کے بیٹے آننت امبانی کے شادی کی تقریب سنگیت میں 5 جولائی کو پرفارم کریں گے۔ 
بھارتی بزنس مین کے بیٹے آننت امبانی کی شادی میں تمام بین الاقوامی موسیقاروں کو دیئے جانے والے معاوضے میں سب سے زیادہ معاوضہ جسٹن بیبر کو دیا گیا ہے، جو لگ بھگ 83 کروڑ انڈین روپے بنتا ہے۔