آئی ایم ایف کے پیش کردہ بجٹ کو عوام نے مہنگائی کا طوفان قرار دے دیا

پاکستان کا حالیہ بجٹ میں عائد کیے گئے ٹیکسز نے عام عوام کا جینا دو بھر کر دیا۔ پاکستان کے وزیراعظم شہباز شریف نے قومی اسمبلی میں اپنی تقریر کے دوران کہا کہ پاکستان کا حالیہ بجٹ آئی ایم ایف کی مدد سے تیار کیاگیا ہے۔ بجٹ 2024 کا اگر جائزہ لیا جائے تو یہ غریب عوام پر ٹیکسز کے ایک مکس اچار کا نمونہ پیش کرتا ہے۔ 
بجٹ 2024 میں آٹا، دال اور مصالحوں سمیت دودھ اور موبائل فون پر بھی 18 فیصد سیلز ٹیکس عائد کیا گیا۔ یہاں تک کہ افغانستان سے درآمد کی جانے والے سبزیوں اور پھلوں پر بھی 18 فیصد ٹیکس عائد کیاگیا۔ 
اسٹیشنری پرٹیکس پہلے  مسترد کیا گیا، بعد ازان ترمیمی بجٹ میں 10 فیصد ٹیکس عائد کر دیا گیا۔
 مالی سال 2024-25 میں پٹرولیم لیوی بھی 10 فیصد کے اضافے کے ساتھ 70 روپے فی لیٹرتک کی جائے گی۔ 
حالیہ بجٹ میں الیکٹرونکس اور میک اپ کا سامان بھی ٹیکسز کے عائد ہونے سے مہنگا ہو گیا۔ گھریلو اشیاء ضروریات اور کھانے پینے کی اشیاء بھی بڑھتے ٹیکسز کی بدولت عوامی دسترس سے باہر ہونے لگیں۔ 
دوسری جانب پاکستانی وزیر خزانہ محمد اورنگزیب نے ایک نجی چینل کو دیے گئے انٹرویو میں کہا کہ پاکستان پر یہ سب ٹیکسز لگانا ضروری ہے، ورنہ آئی ایم ایف کے قرض کی شرائط پوری نہ ہو پائیں گی اور پاکستان دیوالیہ ہو سکتا ہے۔ یہ بات عیاں کرتی ہے کہ پاکستان میں مہنگائی کی شرح ابھی مزید بڑھے گی۔