مظفر آباد: نیلم ویلی روڈ پر جیپ گہری کھائی میں جاگری، 13 افراد جاں بحق

مظفر آباد: آزاد کشمیر کے دارالحکومت مظفرآباد میں نیلم ویلی روڈ پر جیپ گہری کھائی میں گرنے سے 13 افراد ہلاک اور متعدد زخمی ہوگئے ہیں۔

تفصیلات کے مطابق جیب کو حادثہ نیلم ویلی شاہراہ دیولیاں کے مقام پر پیش آیا،درائیور سمیت 13 افراد موقع پر ہی دم توڑ گئے، جاں بحق ہونیوالوں میں 6 مرد، 4 خواتین اور 3 بچے شامل ہیں۔

پولیس کے مطابق واقعے کی اطلاع ملتے ہی ریسکیو ٹیمیں موقع پر روانہ کردی گئیں جبکہ حادثے کی زد میں آکر مقامی افراد بھی زخمی ہوئے ہیں۔

ریسکیو کی جانب سے جاں بحق افراد کی لاشیں اور زخمیوں کو طبی امداد کیلئے ہسپتال منتقل کیا جارہا ہے۔

ریسکیو ذرائع نے بتایا ہے کہ بارش کی وجہ سے امدادی کاموں میں مشکلات کا سامنا کرنا پڑرہا ہے، مقامی افراد اپنی مدد آپ کے تحت لوگوں کو نکال رہے ہیں۔